Arooma 2:13 - Hapari Zooshapweya

¹³ Maana khahi apale ansiilaaye kano eeyiyeeyo anashariya omaasho wa Nluku, ila apale anshututelaaye kano pi anttelaaye wiitthiwa anashariya.

Arooma 2:13 Mawu Ofanana

Luuka 18:14

“Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Luuka 8:21

Ye khuwaajipu araka: “Maama na attwiizaku pi apale ansiilaaye Nttakhuzi la Nluku khushututela.”

Yaahaya 13:17

Nkhama mwinjuwa vitthu zaya epo, amana mwiretta, mwaparikhiyiwa.

Khaazi 13:39

Khwa ye, wakhula otule ankhupalaaye ontta ohakikhiwa khwa vitthu zooshi zahaari onhakhikhisaazo kano za Munsa.

Arooma 10:5

Munsa aatikha khwa nanna eti shariya entaaye khwa kano yoori: “Ntthu anrettaaye vitthu zaya epo oniikhala nkatthi wa etthiipo.”

Arooma 2:25

Okhiriya ona fwayita amana oshututela kano, ila amana weeyo ohishututeli kano, okhiriya wawo onretteya wiiya ohikhiriyi.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

Arooma 3:23

maana atthu ooshi akosa na ari peetiwene khwa ottitthima wa Nluku.

Arooma 3:30

maana Nluku mmote paasi, othuuto anttelaaye owaahakikhi khwa amini apale ookhiriya na apale oohikhiriyi.

1 Akorintiyu 4:4

Yeeyaru khwa yoohiivo hatha etthu akhili zaka pi ekilokoveze, tiito hatha akinjihakikhi ki mweenyewe. Mbwana ti anikiphukaaye.

Akaalata 2:16

Ila ninjuwa yoori pinaatamu khanihakikhiwa mwaasa wa oretta etile kano enrumaaye, ila khwa amini ya Yinsa Al-Masiihu, na fweeyo theenya namayaahuuti nankhupali Yinsa Al-Masiihu yoori nipatthe ohakikhiwa ti amini khwa Al-Masiihu. Khahiyo mwaasa wa mwentto wa kano, maana khina ntthu anttelaaye ohakikhiwa ti kano.

Akaalata 5:4

Mweeyo mwineekesaaye ohakikhiwa ti kano mwajaattuwanisa Al-Masiihu; mwakwamo nrehema.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.