Arooma 16:12 - Hapari Zooshapweya

¹² Salamu Tirifeena na Tirifooza, aakha ankholaaye khaazi venkivene ya Mbwana. Salamu mphetani aka Peresiti naye akholiyeeyo khaazi venkivene khwa Mbwana.

Arooma 16:12 Mawu Ofanana

Matewuzhu 5:47

Na amana mwiiwaachelisaka maswaahipu paasi, mwinrettani yooziti? Hatha na makaafiri anretta etthiipo.

Matewuzhu 9:38

Apho, mwinvekele Mweenyewe nshapa awaaperekhe anakhaazi a wuurula.”

Arooma 16:11

Salamu Herotiyaawu, jamaayaku. Salamu atthu a owawe Narisiizu, ariiye wa Mbwana.

Arooma 16:13

Salamu Ruufu, namathawuliwa wa Mbwana, na mamaawe othuuto eeyiye maama theenya khwa miiyo.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

1 Akorintiyu 16:16

Kinuurumani attwiizaku, mwiwaashitahi atthu nkhama apo na ooshi apale anrettaaye phantte na ankholaaye khaazi na fweeyo.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.