Arooma 15:18 - Hapari Zooshapweya

¹⁸ Akinjilokozelisa ottakhula etthu woohiiyi etile Al-Masiihu arettiyeeyo khwa miiyo khwa nttakhuzi na vitthu zawooneya yoori kiwaathuule amalapo onshututela Nluku,

Arooma 15:18 Mawu Ofanana

Matewuzhu 25:16

Otule enkhiweeyo milikhi thaanu za nzurukhu wa feeta, khulankha nasaapiru olawa oretta zanshara khupattha milikhi thaanu kiina.

Maaruku 16:20

Aphano anakhiyoni apale khulankha khulawa olaleya phantte zooshi, Mbwana aari owaawuni ahakikhaka mattakhuzi aya na alama zaari owaalottaaye.

Khaazi 14:27

Noofiya Antiyookiya okhule, khuwaakusanya atthu apale a ojama wa Nluku khusala owooza zooshi epile Nluku aarettiyeeyo khwa yo na nanna aafukuliiyezo milako za amini khwa amalapo.

Khaazi 15:12

Atthu ooshi eettiye onyamala khusala ansiileza Paawulu na Baranabe alupaka alama na minjuza zooshi aarettiyeezo Nluku khwa yo vakatthi wa amalapo.

Khaazi 15:4

Wakathi afiiyeevo Yeruzaleemu, khupwekhereliwa ti ojama wa Nluku, attunkhulu a ojama wa Nluku na maaswihaapa, khuwaathatelela vitthu zooshi Nluku awaaretteliyeezo yo.

Khaazi 21:19

Paawulu khuwaachelisa khusala athatela saaneene zooshi Nluku arettiyeeyo vakatthi wa amalapo khwa khaazi yawe.

Khaazi 26:20

Khuwaatafusirela omwanzo apale aari wiikhalaaye Tamaashiku, paata ya okhule khuwaatafusirela apale aari Yeruzaleemu na Yudeya yooshi mpakha amalapo, kiwoozaka yoori mwithupwiye mwirutele wa Nluku, mwirettaka vitthu enthoonyezaaye othupwiya weenu.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

2 Akorintiyu 11:31

Nluku na Paapa wa Mbwana eetthu Yinsa, woottitthimisiwa khwa mileele, onjuwa yoori akintta ohata.

2 Akorintiyu 12:6

Hatha nkhama keetta otakha ojishashawula akaari wiiya nlolo, maana kaari ottakhula haakhi. Kinwerawera vitthu zaya epo yoori ahiiyevo hatha mmote anttelaaye wuupuwela monkoni wa miiyo ozitisa etile anoonaaye ama anikisiilaaye.

2 Akorintiyu 3:5

Khahiyo yoori neetta wiiyana makhaamu a wuupuwela etthu nkhama yeetthu nennyewe, ila makhaamu eetthu anlankha wa Nluku.

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

Akaalata 2:8

Maana Nluku anrettiye Pheeturu wiiya aswihaapa wa apale ookhiriya ti othuuto theenya akirettiyeeyo miiyo wiiya aswihaapa wa amalapo.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

2 Atizaloonika 2:17

athuze rooho zenu na oolipiseleni khwa oretta vitthu zooshapweya mileele, waaza nkhaazi mpakha mmattakhuzi.

Meepereewu 11:8

Khwa amini Eburahiima, wakathi akhuweliweevo ti Nluku yoori alawe puuro aari weettelaaye orithisiwa, ye khushututi; khusala alawa, woohijuwi ohali aari weettaawo.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Tiyaaku 1:22

Mwiiye anamashututela nttakhuzi la Nluku, khahiyo onamasiila paasi mwijihataka mwenyeweru.

1 Yaahaya 3:18

Aanaaka, pheta yeetthu ehiiye ya nttakhuzi la omilomo, ila esala yiiya yooretta na ya haakhi.

Yuuda 1:9

Khwa zooshi epo, hatha nttunkhulu wa malayikha Minkhayilu, wakathi aari onyakulisananaaye Sheethwani monkoni wa mwiili wa Munsa, ye khaatakhiye onlokoveza sheethwani na mattukhano, ila paasi aalupiye yoori: “Mbwana ti ooshowere!”