Arooma 15:16 - Hapari Zooshapweya

¹⁶ ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 15:16 Mawu Ofanana

Khaazi 13:2

Eettaka omwaaputu na ofuka, Rooho Ttakatthiifu khuwooza yoori: “Mwimphakule nasaapi Baranabe na Sawulu yoori akhole khaazi yaka kiwaakhuweleliyeeyo.”

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 22:21

Attaaphale Mbwana khukuuza yoori: ‘Olawe, miiyo kinuuperekha peetiwene vakatthi wa amalapo.’ ”

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

Arooma 1:1

Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

Arooma 11:13

Kiniwuuzani mweeyo, amalapo. Maana miiyo ki aswihaapa wa amalapo, kinwulisa khaazi yaka,

Arooma 15:18

Akinjilokozelisa ottakhula etthu woohiiyi etile Al-Masiihu arettiyeeyo khwa miiyo khwa nttakhuzi na vitthu zawooneya yoori kiwaathuule amalapo onshututela Nluku,

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

1 Akorintiyu 6:19

Olikha toowo, mweeyo khamwinjuwa yoori mwiili enu nyuupa ya Rooho Ttakatthiifu eniikhalaaye khwa mweeyo, mwinkhiweeyo ti Nluku? Mweeyo khahiyo a mweeyena.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

2 Akorintiyu 8:5

Na yo khaarettiye etile fweeyo naari weekeselaaye paasi, ila aajinkhiye omwanzo ennyewe mmakhono wa Mbwana nawiisha khwa fweeyo na matakhelo a Nluku.

Akaalata 3:5

Otule aniwinkhaanini Rooho Ttakatthiifu na oretta minjuza khwa mweeyo onretta vitthu zaya epi khwa olottela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Ayeefezu 2:22

Khwa ye theenya mweeyo mweeya woojekiwa yoori asala eekhalamo Nluku khwa Rooho Ttakatthiifu.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

1 Atizaloonika 2:2

Neeyiyeru pure woohikholiwi saana na ottukhaniwa sitati ya Filiipu, nkhama mweeyo mwinjuwaazo, khwa awuni ya Nluku naarina ominyala wa olaleya hapari zooshapweya za Nluku khwa mweeyo, vakatthi wa viittha ya waatta.

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

1 Timootiyu 1:11

Mwentto opo ori nhapari zooshapweya zinlankhaaye nkatthi wa nuuru ya Nluku wa parakha, kinkhiweeyo miiyo olaleya.

1 Timootiyu 2:7

Akintta ohata kinlupa khweele, keetta othawuliwa yoori kiiye namalaleya, kiiye aswihaapa na kiiye namanozela wa mattakhuzi apa a amini na a haakhi, khwa khapila zooshi.

2 Timootiyu 1:11

Khwa hapari etthiipo miiyo karettiwa wiiya namatafusiri, aswihaapa na namanozela.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.