Arooma 14:2 - Hapari Zooshapweya

² Owaapho ankhupalaaye oja vitthu zooshi; ila akina apale amini yaya yiiyiyeeyo yoottettheya, etthu yoojiwa yaya mathapa.

Arooma 14:2 Mawu Ofanana

Mwanzo 1:29

Nluku khulupa theenya araka: “Yoori mweeyo mwiiyane etthu yoojiwa, kiniwinkhani nyaani zooshi za ntuniya zinimaaye peewu, miitthi zooshi zinimaaye mishumo na phunje zaya.

Mwanzo 9:3

Zooshi zinoonaaye na zineettettaaye zinttela wiiya etthu yoojiwa yenu, nkhama etthiipo kiwinkhiyeenini mathapa, zooshi kawinkhani.

Arooma 14:1

Mwinkhupalele otule eeyiyeeyo woottettheya nkatthi wa amini, woohinyakulisanani.

Arooma 14:14

Nkhama ntthu ori wa Mbwana Yinsa, kinkhupalela yoori khina etthu yoojiwa ottho yiiyiyeeyo yoohifwayi, amana ntthu aharamusha, eniiya haraamu khwa ye.

Arooma 14:20

Ohitapanye khaazi ya Nluku mwaasa wa etthu yoojiwa. Vitthu zoojiwa zooshi pi za halaali, ila ti ya ovonyeya oja wakhula etthu eniwaakwakwanttulaaye akinoko.

Arooma 15:1

Fweeyo nikhomaaliyeeyo, nina ya ovilela otteettheya wa apale oohikhomaali, nihisala nijituvelisa neenyeweru.

1 Akorintiyu 10:25

Mwije vitthu zooshi zinuuzanyisiwaaye opazari, woohuuzeli hatha etthu mwaasa wa akhili zenu.

1 Akorintiyu 8:9

Khwa zooshi, mwiiyane phoole yoori otaphuliwa weenu ohiretteye wiiya etthu ya owaakwakwanttula apale oottettheya.

1 Akorintiyu 9:22

Khwa apale oottettheya kajiretta wiiya woottettheya, yoori kiwaapatthe apale oottettheya. Etthiipo miiyo kajiretta wiiya zooshi khwa atthu ooshi yoori khwa wakhula nanna kiwahi owoosuru akinoko.

Akaalata 2:12

Maana ahinate atthu akinoko oolankha phantte ya Tiyaaku, ye aari ojaka vamote na amalapo; ila paata ya ota eetta ojiphakhula wa amalapo, oovaka khuntti etile yaari okhanyarelaaye yoori mamuumini ana ya okhiriya.

1 Timootiyu 4:4

Weekhweele, epile Nluku ompiyeeyo pi zooshapweya zooshi, ehiiyevo hatha moote enthanyiwaaye amana yiiya yoopokhereliwa wonshukhurwelavo Nluku.

Tiitu 1:15

Vitthu zooshi pi za oottakasiwa khwa atthu apale eeyiye oottakattha, ila khwa atthu apale ahiiyeeni oottakattha na ahiiyeeni mamuumini khayiivo etthu yoottakattha. Maana waaza shawuri zaya na akhili zaya zatapanyeya.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

Meepereewu 9:10

Maana vitthu zoojiwa, zoonywa na majampo otwahareshaniwa na maati, epo vitthu za oje ziriina fwayita mpakha wakathi Nluku anzukulisaaye vitthu zooshi.