Arooma 14:13 - Hapari Zooshapweya

¹³ Nakataalikha, nilikhe ophukana mmote na nzeetthu. Olikha toowo, nirette matakhelo ohitthi liwe la okhwankhwanttula ama enttiyelelaaye tarikhi ya ttwiiyo.

Arooma 14:13 Mawu Ofanana

Matewuzhu 16:23

Yinsa khuzukuluwa khumuuza Pheeturu yoori: “Osale nyuma waka, Epiliisi! Weeyo ori nkhama liwe liriiye ntarikhi mwaka yoori likikwakwattule, maana khunuupuwela vitthu za Nluku, ila za enaatamu.”

Matewuzhu 18:7

“Watakhaliwa olumwenku, mwaasa wa vitthu za okosisa. Maana khinivonyela ohirettikhani vitthu zaya epo, ila atakhaliwa ntthu otule anttelaaye wiiyana paathuli.

Matewuzhu 7:1

“Mwihimphuke nzeenu yoori na mweeyo mwihiphukiwe.

Luuka 12:57

“Mwaasa aya niini mwihijuwaka othawula etile yiiyiyeeyo ya shariya?

Luuka 17:2

Afwataali ofukeleliwa liwe loovalaza mmwisiko khutupweeziwa nkhilintti ya pahari ehiiyeeni owaakosisa apale eeyiye oohikhomaali.

Arooma 11:9

Na Daawuuda alupa yoori: “Meeza aya athatuwe eeye taapha na nraakho liwe linkwakwattulaaaye na loozukuliseliwa yo.

Arooma 14:10

Aphano weeyo mwaasa aya niini omphukaka ttwiiyo? Wala mwaasa wa niini weeyo ontarawaka ttwiiyo? Fooshi fweeyo nineekesela ophukiwa ti Nluku.

Arooma 14:3

Otule anjaaye zooshi ahintarawu otule ahinjaaye, na otule ahinjaaye zooshi ahinhukhumu otule anjaaye, maana Nluku ankhupalela.

Arooma 14:4

Weeyo o paani wa omphuka karumeya wa watthu? Nkhama eetta weemela ama okwa zwaamu ya Mbwana awe. Na oniiya wa weemela, maana Mbwana ti ariina makhaamu a onshokholela.

Arooma 16:17

Kinuuvekelani attwiizaku, yoori mwiiyane phoole na apale antanaaye waawanyeya na ottha tafwawuthi khwa masomi apale mweeyo mwipwekhereliyeeyo. Apo aya mwiwaasuse.

1 Akorintiyu 10:32

Ehiretteye wiiya etthu ya okwakwanttula wala khwa mayaahuuti wala akereeku ama ojama wa Nluku.

1 Akorintiyu 11:13

Moone mweeyena, ti yoolikana muukha onvekela Nluku ahifinikheeni eeshwa yawe?

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

2 Akorintiyu 6:3

Khanintakha onkhwakhwattula ntthu, yoori khaazi yeetthu ehitaraweye.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

1 Timootiyu 5:14

Apho, kintumerela yoori anamafweliwa pi amanna zaya apale eeyiye anakhinzi araliwe, eeyane aana alokozele vaje vaya, ahimwinkhe kiphenyo atuwi eetthu ya owaalupeza vitthu zootakhala.

Tiyaaku 2:4

Khamwithawulaneeni wala khamwijiretteeni onamaphuka mwithuulaka shawuri zootakhala?

Tiyaaku 4:11

Attwiizaku, mwihittakhulane wootakhalavo mmote na nzeenu. Maana otule aninttakhulaaye ttwiiye wootakhalavo ama animphukaaye ttwiiye, onttakhula wootakhalavo khwa kano, na omphuka kano ethiito. Aphano nkhama weeyo omphuka kano, khunshututela kano, ila onjiretta wiiya namaphuka.

1 Yaahaya 2:10

Wakhula otule animphetaaye ttwiiye onlipana nuuru, na varoho vawe khayiivo hatha etthu eninkosisaaye.

Othoonyeziwa 2:14

Ila kinaaye vitthu kiina khwa mweeyo: maana mwinaaye okho atthu anlottaaye masomi a Palaawu, othuuto ansomisiyeeyo Palaakhi nanna ya owaakwakwanttula meezirayiilu, awaanozelaka oja vitthu za otwaheliwa sanamu na oretta khaapa twayifu.