Arooma 13:11 - Hapari Zooshapweya

¹¹ Mwisala mwiretta epo, mwijuwaka wakathi niniikhalaaye, wafiya wakathi wa mweeyo wuumwazeyani osikizi, maana nusura yeetthu eri kharipu zayita wakathi nikhupaliyeeyo.

Arooma 13:11 Mawu Ofanana

Yuunusa 1:6

Nahota khwiishukhela mpurawu mphule aari olalaamo Yuunusa, khumuuzela yoori: “Weeyo! Onlala ni? Olankhe onvekele nluku awo! Khinjuweya anoonelaka huruma yoori anuusuru nihifwe.”

Matewuzhu 16:3

na leelo supu, ‘Enttela opuwa pheevo, maana pinku ti yookhuttuwa na yetaala mawiku.’ Mweeyo mwinjuwa otaphulela nanna ya pinku, ila khamwinjuwa otaphulela alama za wakathi!

Luuka 21:28

Amana zaazaka vitthu zaya epo, mwilankhe mweekese otulu, maana wuusurukha weenu ori kharipu na mweeyo.”

1 Akorintiyu 10:11

Vitthu zaya epo zawaarettikhanela nkhama nthoonyezo na zaatikhiwa yoori nuuziwe fweeyo, khwa otule anttelaaye ofiya wakathi wa mwiisho.

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Tiyaaku 5:8

Mweeyo naye mwiiye atthu oovilela na mwikhomaaze rooho zenu, maana ota wa Mbwana eetthu wasaleela ofiya.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,

2 Pheeturu 3:9

Mbwana khanrupaza oretta etile ahitiyeeyo, nkhama anaakanyeraazo atthu akina. Ila ye ti woovilela khwa mweeyo, khantakha yoori eeyevo ampwetheyaaye, ila ontakha yoori atthu ooshi athupwiye twampi zaya.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

Othoonyeziwa 1:3

Wooparikhiyiwa ti otule ansomaaye mattakhuzi apa ohupiri na ooparikhiyiwa pi apale ansiilaaye na khuthokorela epile zaatikhiweeyo, maana wakathi wanttama.

Othoonyeziwa 22:10

Aphano khukuuza yoori: “Wala ohipharise mattakhuzi ohupiri a kithaapu eti, maana wakathi wanttama.

Othoonyeziwa 22:12

Moone, kinta woohirupazi! Phakari ena miiyo, na miiyo kinimwinkha wakhula mmote khwa etile arettiyeeyo.

Othoonyeziwa 22:20

Otule anlazaaye oshaahiti wa vitthu zaya epi alupa: “Aaa, kinta woohirupazi!” Amiina! Ote, Mbwana Yinsa!