Arooma 12:8 - Hapari Zooshapweya

⁸ nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

Arooma 12:8 Mawu Ofanana

Mwanzo 18:19

Maana miiyo kanthawula ye yoori awaanozele aanaawe na omathi awe, weettettela saana tarikhi ya Nnyizinku, arettaka etile yiiyiye ya shariya na yoolotteya, yoori miiyo Nnyizinku kirette khwa Eburahiima etile kaahitiyeeyo.”

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Khaazi 13:12

Mfwalume nawoona etile yaarettikhaniyeeyo khukhupalela na khwiiya wootikinisiwa pi masomi a Mbwana.

Khaazi 13:15

Nawiisha osomiwa kithaapu ya thawurethi na kithaapu za manapiyu attunkhulu a nsinakooka khulupa yoori: “Attwiizetthu, nkhama mwinaaye mattakhuzi owaalipisela atthu, mwilupe.”

Khaazi 15:32

Yuuda na Siila, wiiya aari manapiyu, na mattakhuzi menkeene awaalipiseliye na owaatumerela atthu apale a Antiyookiya.

Khaazi 20:2

Paata yoovira mmamuti mphule awaalipiselaka anakhiyoni khwa mattakhuzi menkeene khufiya Kereesiya,

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Khaazi 4:36

Yuusufu mmote, wa lihimo la Leevi aatthajiweeyo nzina la Baranabe, liriina maana la namalipisela, owawe waari Shiipere,

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 13:6

Tiito theenya mweeyo mwiriina ya oripha lumpuru, maana afwalume ari nkhaazi ya Nluku, anjilipisana khaazi yaya ethiito wakhula siikhu.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

1 Akorintiyu 14:3

Ila otule antafusiraaye onretta khwa ojeka, olipisela na owaazuru atthu.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

2 Akorintiyu 8:12

Maana, amana ntthu ajilakelela winkha, Nluku ompwekherela etile ntthu ariina, khaninvekela ntthu etile ahina.

2 Akorintiyu 9:11

Mweeyo mwinttela oreelisiwa khwa wakhula nanna, yoori mwiiyane winkha woohilikheleli wakhula wakathi, khwa fweeyo, winkha woohilikheleli weenu esutukhwane yiiyaka rehema ya Nluku.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

2 Akorintiyu 9:7

Wakhula ntthu enkhe etile alakeliyeeyo va rooho vawe, khahiyo na huzuni ama okhanyareliwa, maana Nluku onimpheta otule aninkhaaye na furaha.

Ayeefezu 6:5

Amwiitthwaana, mwiwaasiileze ambwana zenu vathi apha na shitaha na owoova, na rooho ya ookhweele, nkhama mwininrumeyelaaye Al-Masiihu.

Akoloosu 3:22

Mweeyo amwiitthwaana, mwiwaasiileze ambwana zenu a vathi apha khwa zooshi, khahiyo paasi yoori mwiwaatuvelise amana eeya attaapho, ila na rooho ya ookhweele, mwaasa wa omoova Nluku.

1 Atizaloonika 2:3

Maana otumerela weetthu khunlankha nkatthi wa ovonya wala kiswaswi yoohifwayi, wala otakha ottettekha;

1 Atizaloonika 2:8

Ninuuphetani venkivene, najilakelela owinkhani khahiyo paasi hapari zooshapweya za Nluku, ila theenya ohaayi eetthu, maana mweeyo mwaretteya wiiya aphetani eetthu saaneene.

1 Timootiyu 4:13

Vakatthi wa anamalottela, mpakha miiyo ota, olipane osoma, otafusiri na osomisa Nttakhuzi la Nluku.

1 Timootiyu 5:17

Anamarumeyela ojama wa Nluku apale ankholaaye khaazi saana, haaswa haaswa apale antafusiraaye na apale ansomisaaye, ojama wa Nluku ona yoowaashitahi swaafu piiri.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

Meepereewu 13:17

Mwiwaashututele atthu apale oolokozeliyeenini na mwiwaashirehezele khwa ofwalume aya, maana yo aniwiinanelani mweeyo nkhama atthu anttelaaye ojipu khwa khaazi yenu mweeyo wa Nluku. Mwiwaashututele, yoori khaazi zaya ziiye furaha na ehiiye etthu yoolemela, maana toowo khayaari wiiya etthu ya fwayita khwa mweeyo.

Meepereewu 13:22

Attwiizaku, kinuuvekelani yoori mwivilele mattakhuzi aka oolipisela; wekhweele etile miiyo kiwaatikheliyeenini khayaatteeni.

Meepereewu 13:24

Kimperekha salamu khwa anamalokozela ooshi okho na ojama wooshi wa Nluku. Na attwiizetthu a Etaaliya ooperekhezani salamu.

Meepereewu 13:7

Mwiwuupuwele atthu apale oolokozeliyeenini, aari wuutafusirelaanini nttakhuzi la Nluku. Mwipheleleze saaneene mishumo za ohaayi aya, mweezele amini ethiito aariinaaye.