Arooma 12:3 - Hapari Zooshapweya

³ Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 12:3 Mawu Ofanana

Luuka 18:11

Mfwarizeewu ari wa weemela, aari olompa otthwe araka: ‘Nluku, miiyo kinuushukhurwela maana miiyo aki nkhama atthu akina, apale oheettetteli shariya, manantarawu, anamararuwa, wala nkhama namariphisa lumpuru oto ariiye apho.

Yaahaya 3:34

Otule Nluku amperekhiyeeyo onttakhula mattakhuzi a Nluku, maana ye oninkha Rooho Ttakatthiifu woohiphimi.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

1 Akorintiyu 7:17

Nakataalikha, wakhula ntthu eekhale khwa nanna Mbwana amwinkhiyeeyo na khwa nanna Nluku ankhuweliyeezo. Opu oruma waka khwa ojama wa Nluku wooshi.

2 Akorintiyu 10:13

Fweeyo khaninjisifu woochirisavo khiima zaya, ila khwa khiima yoolikana Nluku aninkhiyeeyo, mpakha wuufiyelani mweeyo.

2 Akorintiyu 12:13

Nannani mweeyo mwizitiweeyo ti ojama wa Nluku nkinaaya? Ofwarikhana kiriina ti yoori miiyo akinveka yoori mweeyo mwikaawuni. Safwatali mwikiswaamihi koosa eto!

2 Akorintiyu 12:7

Yoori akhattaze ojishashawula mwaasa wa othoonyeziwa opo nwulweene, khushomaniwa mwiiwa mmwiili mwaka ti karumeya a Epiliisi yoori akoopopise na kihijishashawule.

Akaalata 6:3

Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Ayeefezu 3:2

weekhweele mweeyo mwinjuwa yoori Nluku, mwaasa wa rehema yawe, akinkha khaazi eti khwa saana yenu mweeyo.

Ayeefezu 3:4

Amana mwisoma mattakhuzi aya apo, mwintta ojuwa nanna miiyo enikeeleyaazo siiri za Al-Masiihu.

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

1 Timootiyu 2:15

Apho, aakha hatha nkhama awaapattha aana, anuusurukha eeyaru nkatthi wa epaata na pheta, na ottakatthifu na hishima.

1 Timootiyu 2:9

Aakha nayo kintakha yoori awale kuwo wa hishimavo, ajishapweyise woohijitayiti khwa nanna eneezelaazo, oshapweya waya ohiiye woofuka mattunttu oohifwayi wala owala weero wala osaka ama kuwo zawaatta nzurukhu,

Tiitu 2:12

Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

Tiitu 2:2

Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

Tiitu 2:4

Toowo phi anttelaavo owaanozela anakhinzi owaapheta amanna zaya na aana aya,

Tiitu 2:6

Khwa nanna ethiito, owaalipisele mashaapu yoori eeye atthu oojiitthaaza.

Tiyaaku 4:6

Ila Ye oninkha rehema yawe yooziti. Tiito zawaatikhiwa zinlupaaye yoori: Nluku khantuveliwa pi apale oojikhupali, ila oniwenkha rehema apale oojipushuwisa.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

3 Yaahaya 1:9

Miiyo kaaperekhiye warakha vakatthi wa ojama wa Nluku, ila Diyooterefe, otule wontuvela wiiya nlokozi vakatthi wa azaawe, khannipwekherela.