Arooma 12:16 - Hapari Zooshapweya

¹⁶ Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

Arooma 12:16 Mawu Ofanana

Matewuzhu 11:5

Ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Matewuzhu 26:11

Maana asikhini aniiya vamote na mweeyo wakhula siikhu, ila miiyo khamwinteela wiiyana wakhula siikhu.

Luuka 14:13

Ila amana wiiyana njampo owaalaleye asikhini, anamarakala na atthu oohooni.

Luuka 6:20

Aphano Yinsa khulansa maasho khuweekesa anakhiyoni awe khuwooza yoori: “Ooparikhiyiwa ti mweeyo mwiiyiye asikhini, maana Ofwalume wa Nluku pu weenu.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 15:5

Nluku otule aninkhaaye nthiti na ominyala, awinkheni mweeyo rooho ya osiilana, khwa Yinsa Al-Masiihu

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

1 Akorintiyu 3:18

Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Akorintiyu 4:10

Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

1 Akorintiyu 6:5

Kinlupa epo zaya yoori kuupatthiseni haaya. Nilupe yoori vakatthi venu khaavo hatha naakhili mmote anwahaaye ophuka milattu za attwi?

1 Akorintiyu 8:2

Otule anuupuwelaaye yoori onjuwa etthu, nalelo khanajuwe nanna aneettelaazo ojuwa.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 3:16

Niikhale paasi khwa epile nipatthiyeeyo.

Afiliipu 4:2

Etthu kininvekelaaye Evootiya na Sintikhe ti yoori eekhale woosiilana khwa Mbwana.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 5:3

Mwihijirette wiiya anamashintta wa apale mwiniwaalokozelaaye ila mwiiye nthoonyezo wa liphanko laya nttho.

3 Yaahaya 1:9

Miiyo kaaperekhiye warakha vakatthi wa ojama wa Nluku, ila Diyooterefe, otule wontuvela wiiya nlokozi vakatthi wa azaawe, khannipwekherela.