Arooma 12:13 - Hapari Zooshapweya

¹³ Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 12:13 Mawu Ofanana

Matewuzhu 25:35

Maana miiyo yaakikholiye jala, mweeyo khukinkha etthu yoojiwa; laakikholiye nnyottha, mweeyo khukimeela maati oonywa; kaari nletto mweeyo khukinkha puuro ya omaka.

Khaazi 10:4

Ye khusuthuwa, khusala eekesa nlayikha ntthile eettaka othukumela, khuuzela yoori: “Niini, mwinyi?” Nlayikha khujipu liraka: “Lompa zawo na zimola zawo zafiya mmakhono wa Nluku nkhama tthuvo yoohisahawiwi.

Khaazi 4:35

noowenkha maaswihaapa yoori awaawanyeze atthu ooshi wakhula ntthu khwa khiima yoothowiwa wawe.

Arooma 12:8

nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

1 Akorintiyu 16:15

Mweeyo mwinjuwa yoori ojama wa owawe Shiteefanu pi atthu amwanzo a nti wa Akaaya okhupalela amini na ojinkha nkatthi wa khaazi ya attakatthiifu.

2 Akorintiyu 9:1

Akinhithajiya owaatikhelani monkoni wa owaatthantta attakatthiifu.

2 Akorintiyu 9:12

Maana khaazi eto mwinkholaaye mweeyo, khinaawuni othowiwa paasi wa mamuumini, ila theenya emmwazeyela oshukhuru wa waatta aninkhiwaaye Nluku.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Tiitu 1:8

Ila ona yawiiya ntthu woomakeleya, swaahipu wa zooshapweya, wawiitthaala, nashariya, wa akhili, woosuluheya, wonshututela Nluku, woojikheeti mweenyewe

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Filimooni 1:7

Maana pheta yawo enikinkhaka furaha khuluyeene na okizuru, weeyo ttwiiyaku ontuvelisa rooho za attakatthiifu.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Meepereewu 13:2

Mwihisahawu wiiya atthu omakeleya, maana atthu akina, aamakeliwe pi malayikha yo woohijuwi.

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

1 Pheeturu 4:9

Mwiiye atthu oomakeleya, woohijilizi khwa hatha etthu.

1 Yaahaya 3:17

Nkhama ntthu onaaye vitthu za voolumwenku khumoona ttwiiye athowiwe na khunlipela rooho, pheta ya Nluku enlipa toovi khwa ye?

3 Yaahaya 1:5

Mphetani aka, weeyo o wa waamineya khwa epile oniwaarettelaaye attwiizo, hatha nkhama aletto.