Arooma 12:12 - Hapari Zooshapweya

¹² Mwifurahele nroromelo mwiriinaaye, mwiiye oovilela miswipa, na olompa woohilikheleli.

Arooma 12:12 Mawu Ofanana

Matewuzhu 5:12

Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Luuka 10:20

Ila mwihifurahi mwaasa wa masheethwani wuushututelani, mwifurahele mazina enu waatikhiwa pinkuuni.”

Luuka 21:19

Muuvilela weenu phi mwinttelaamo othokorela nafusi yenu.”

Luuka 8:15

Peewu epi zaakweliiye vanshaka wooshapweya, zinlikanisaniwa atthu apale ansiilaaye nttakhuzi la Nluku khuthokorela nroho mwaya khushututela na ovilela, apo aniima mishumo zooshapweya.

Khaazi 1:14

Wakhula siikhu aari wiiya ookusanyeya vamote na olompa woohilikheleli, na aakha akina vamote na Mariyamu mamaawe Yinsa na attwiize.

Khaazi 12:5

Pheeturu khuvira nalelo ari nkalapooso, ila ojama wa Nluku waari oretta weettaka onvekela Nluku woohilikheleli.

Khaazi 2:42

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Khaazi 6:4

na fweeyo nisala nilompa na weeleza nttakhuzi la Nluku.”

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 15:4

Maana zooshi zaatikhiweeyo asulani zaatikhiwa yoori enisomise, khwa nanna, yoori khwa nthiti na olipiseliwa onlankhaaye Zawaatikhiwa Ttakatthiifu elipisele nroromelo eetthu.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Arooma 8:25

Ila amana niwejaka etile nihinoonaaye, ninweja na ovilela.

1 Akorintiyu 13:13

Aphano ziwaapho vitthu epi ttatthu: Amini, owejela na pheta. Nakataalikha khuulu khwa epi zaya pheta.

2 Akorintiyu 12:8

Khunvekela Mbwana swaafu ttatthu yoori akilaze.

Afiliipu 3:1

Wiishela waya attwiizaku, mwinfurahele Mbwana! Owaatikhelani opheya vitthu etthiipile khahi yooshokheza khwa miiyo, owiinanelani mweeyo.

Afiliipu 4:4

Mwinfurahele Mbwana wakhula wakathi; kinrutela opheya kilupaka yoori: Mwinfurahele!

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 4:2

Mwikhanyarele olompa, mwiiye oojisiileza na ooshukhuru.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

2 Atizaloonika 1:4

Khwa ethiito fweeyo ninjittitthimisa khwa mweeyo vakatthi wa ojama nkina wa Nluku khwa nthiti na amini mwithonyeziyeeyo mweeyo muulupatthiwa na mwivilelaka miswipa.

2 Atizaloonika 3:5

Yoori Mbwana eettettise rooho zenu mweeyo khwa pheta ya Nluku na nthiti khwa Al-Masiihu.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

2 Timootiyu 3:10

Ila weeyo onlottela wookharipweyavo masomi aka, menttezi aka, matakhelo aka, amini yaka, ovilela waka, pheta yaka, na okhanyarela waka,

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Meepereewu 10:32

Mwifikhiri siikhu epile za mwanzo paata ya mweeyo omwasikheliwa, mwavilela viittha zawaatta na ohoowa mwinkeene.

Meepereewu 10:36

Mweeyo mwinhithajiya wiiyana nthiti, yoori amana mwiretta etile yiiyiye ya matakhelo a Nluku, mwipokhere etile ahitiyeeyo.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Meepereewu 6:12

yoori mwihiiye nkhama atthu ooviliwa, ila mwiweezele apale khwa amini na ovilela apwekhereliyeeyo erathi etile Nluku ahitiyeeyo.

Meepereewu 6:15

Yaarettikhaniye etthiipo, paata ya Eburahiima owejela na ovilela, khweele ye aapatthiye etile ahitiweeyo.

Tiyaaku 5:7

Nakataalikha attwiizaku, mwiiye oovilela, mpakha ota wa Mbwana eetthu. Mwaasa yoori namalima oneekesela na ovilela wuurula mishumo aazaliyeezo, mpakha ofiya wakathi wa vuula ya mwanzo na yawiishela.

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

2 Pheeturu 1:6

va ojuwa, ojishintta omweenyewe; va ojishintta omweenyewe, nthiti; va nthiti, emaani;

Othoonyeziwa 13:10

Nkhama ntthu onttela ofukeliwa, ofukeliwa onlawa, nkhama ntthu onulaaniwa phanka, na phanka onulaaniwa. Nthiti na waamineya wa attakatthiifu ori apha.