Arooma 12:10 - Hapari Zooshapweya

¹⁰ Mwijinkhe mmote na nzeenu nkhama pheta ya ntthu na ttwiiye. Mwihithari owaakhirimu azeenu zayita mweeyenaru.

Arooma 12:10 Mawu Ofanana

Mwanzo 13:9

Tuniya yooshi eri mmakhono mwawo nlawe nimwazeyane, othawule phantte ontakhaaye weetta, weettaru nkhono nkha, miiyo kintta nkhono nlume, weettaru nkhono nlume miiyo kintta nkhono nkha.”

Zaapuura 133:1

Moone nanna enshapweyaazo na otuva amana attwi eekhalaka vamote na osiilana!

Matewuzhu 20:26

Ila vakatthi venu mweeyo mwihiiye toowo. Otule antakhaaye wiiya nttunkhulu vakatthi venu mweeyo ona ya wiiya karumeya,

Luuka 14:10

Ila amana olaleyiwa ona yawiikhala puuro yawiishela, noota otule oolaleyiyeeyo ontta owuuza yoori: ‘Swaahipu, ote wiikhale puuro eti ya wiilokozi.’ Aphano, weeyo onttela wiiya woohishimwiwa venkivene vakatthi wa anamalaleyiwa ooshi.

Yaahaya 15:17

Opo pi oruma waka: mwiphetane mmote na nzeenu.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Arooma 13:7

Mwimwinkhe wakhula ntthu etile eninsuhaaye: Nkhama lumpuru, mwiriphe lumpuru, nkhama oshokholeza, oshokholeze; nkhama woova, moove; nkhama onhishimu, onhishimu.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Afiliipu 2:3

Mwihirette etthu khwa otakha weenu ama ojikhupali, ila woojipushuwisavo owoona akina aya wiiya awuuzitini mweeyo.

Akoloosu 1:4

Maana ninsiila elupiwaka amini mwiriinaaye khwa Yinsa Al-Masiihu na pheta mwiriinaaye khwa attakatthiifu ooshi,

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

2 Atizaloonika 1:3

Attwi, nina ya onshukhurwela Nluku wakhula swaafu khwa mweeyo; eto ya shariya, maana amini mweeyo mwiriinaaye entepa owula channu na eneekezela pheta yenu mooshi mmote na nzeenu.

Meepereewu 13:1

Mwikhanyarele ophetana mmote na nzeenu nkhama attwi khwa Al-Masiihu.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.

2 Pheeturu 1:7

va emaani, ojalana; va ojalana, pheta.

1 Yaahaya 4:11

Aphetani aka, nkhama etthiipo Nluku aniphetiyeezo, na fweeyo theenya nina yoophetana mmote na nzeetthu.

1 Yaahaya 4:20

Nkhama ntthu onri onimpheta Nluku khusala eephiiriwa ti ttwiiye, oto namalokova. Maana otule ahimpheteeni ttwiiye, otule animoonaaye, khanwahi ompheta Nluku, otule ahinimoonaaye?