Arooma 11:6 - Hapari Zooshapweya

⁶ Na nkhama mwaasa wa rehema, khahiyo theenya khwa khaazi; eriwaka yaari etthiipo, rehema khayaari wiiya rehema.

Arooma 11:6 Mawu Ofanana

Luuka 6:13

Noocha khuwaakhuwela anakhiyoni awe khuwaathawula khumi na awiri, atthaapo theenya khuwenkha nzina la owaaswihaapa.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

Akaalata 2:21

Akinfuja rehema ya Nluku; maana nkhama shariya enta khwa kano, ofwa wa Al-Masiihu khuna fwayita!

Akaalata 5:4

Mweeyo mwineekesaaye ohakikhiwa ti kano mwajaattuwanisa Al-Masiihu; mwakwamo nrehema.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Tiitu 3:5

ye anuusuru mwaasa wa onihurumiya, khahiyo yoori neetta oretta etthu yooshapweya. Anuusuru khwa owahi wa Rooho Ttakatthiifu, etile enoosiyeeyo, khunikaphula na khuninkha ohaayi mpheya.