Arooma 11:25 - Hapari Zooshapweya

²⁵ Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 11:25 Mawu Ofanana

Zaapuura 22:27

Atthu ooshi mpakha okhu wiisheliyeewo olumwenku anteela ofikhiri na arutele wa Nnyizinku, khwa ye khapila zooshi enlawa zashututi.

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Luuka 21:24

Awaatta anttela wuuliiwa na phanka, akinoko athuuliwe nkhama anapherezu eettettisiwaka miti zooshi za olumwenku. Yeruzaleemu enlawa yakurumuliwe pi amalapo mpakha yenzi ya amalapo wiisha.”

Yaahaya 10:16

Kinaaye theenya pwittipwitthi kiina zihimo mmwizizi mphu. Epo enikihithajiya weettela kikusanye na epi ziiye liphanko limote na nshuki mmote na epo zinteela osiila huula yaka.

Arooma 1:13

Kintakha mweeyo attwiizaku mwijuwe yoori kaaza raku owaza shawuri za oteela owoonani, ila khusala kitapwateliwa mpakha apha. Niiya kiriina otakha wuurula mishumo vakatthi venu mweeyo, nkhama kinuurulaazo vakatthi wa amalapo akina aya.

Arooma 11:12

Ila, nkhama ovonya waya onthoonyeza maali khwa olumwenku, na otteettheya waya maali khwa amalapo, khitepeeni othoonyeza waatta amana aretta zoolikana!

Arooma 11:24

Weeyo khahi o yaahuuti, ila ori nkhama erapi yooshijiwa va muutthi wa oluveera wa ntthuttu wa ephattu. Ohiiyeeni wa ephattu, wapharisiwa va oluveera woozaliwa. Moone yoori ti yootepa okhweya channu opharisela opheya virapi za ephattu va muutthi wa oluveera otthuupo.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Arooma 9:18

Nakataalikha, Nluku ona tthakaraka khwa otule anintakhelaaye, na onuumisa rooho ya otule anintakhelaaye.

1 Akorintiyu 10:1

Attwiizaku, miiyo kintakha yoori mweeyo mwihisahawu etthu yaarettikhaniyeeyo khwa amarehemu apapazetthu. Ooshi aalokoziwe ti liwiku na khulokha pahari ya maati ookhuttuwa.

1 Akorintiyu 12:1

Attwiizaku, khwa tthuvo za nroho, akinuutakhelani ohijuwi.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Ayeefezu 3:9

na oweeleza atthu ooshi monkoni wa nanna enkholiwaazo siiri eti, Nluku namumpa wa zooshi aavithiyeeyo thanku asulani.

Ayeefezu 4:18

Weeleyiwa waya wattiyeleleya na ophakuwanana ohaayi wa Nluku mwaasa wookhijili ariinaayo khwa ozivala wa rooho zaya.

2 Pheeturu 3:8

Aphetani aka, mwihisahawu epo zaya: khwa Mbwana siikhu moote eri nkhama nyaakha alufu. Na nyaakha alufu eri nkhama siikhu moote.

Othoonyeziwa 1:20

Eto siiri yootikinisa matthottowa sapa wooniyeeyo nkhono nlume aka na khantteya sapa za weero; matthottowa sapa malayikha sapa a ojama wa Nluku, na khantteya sapa wooniyeeyo ojama sapa wa Nluku.”

Othoonyeziwa 10:7

Ila, siikhu ya ovumisiwa nlope ti nlayikha la saapa, enttela omariseleya siiri zootikinisa za Nluku nkhama aalaleyiyeezo awoozaka akarumeya awe, manapiyu.”

Othoonyeziwa 11:15

Nlayikha la saapa khuvumisa nlope laya, pinkuuni khupuwawo huula zookhomaala zaari oraaye: “Ofwalume wa olumwenku waretteya wiiya wa Mbwana eetthu na Al-Masiihu awe, na onteela olokozela khwa mileele.”

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.