Arooma 11:20 - Hapari Zooshapweya

²⁰ Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

Arooma 11:20 Mawu Ofanana

Luuka 18:14

“Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Khaazi 18:6

Ila mwaasa wa yo wiiphiiriwa ti Paawulu na okufuru, ye khulankha khutatha ajapi yawe khulupa yoori: “Ekwele veeshwa venu, taamu yenu! Miiyo Paawulu akina hatha paathuli. Mpakha apha, kineetta wa amalapo.”

Arooma 11:18

Ohijikhutupulane virapi zaya epo. Amana oretta, ojuwe yoori khahiyo weeyo onshokholelaaye mitathaari, ila mitathaari khwa weeyo.

Arooma 11:21

Nkhama etthiipo Nluku ahiilikheleleni virapi epile za ephattu, na weeyo theenya khanteela owiinanela.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 3:3

Enlikhisa-ni atthu akina wiiya oohaamineyi? Oohaamineyi waya onfuja waamineya wa Nluku?

1 Akorintiyu 10:12

Etthiipo, otule anjoonaaye wiiya wookhomaala, ajiinanele yoori ahikwe!

1 Akorintiyu 15:1

Attwiizaku, kintakha kuukupuseleni hapari zooshapweya kuutafusireliyeenini, etthiipo mweeyo mwipwekheriyeeyo na etthiipo mwilipaniyeeyo.

1 Akorintiyu 16:13

Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.

2 Akorintiyu 1:24

Khahiyo yoori neetta ojuwacha monkoni wa amini yenu, ila mwaasa wa wiiya ashirikha a furaha yenu, maana khwa amini mweeyo mwakhomaala.

2 Akorintiyu 10:5

Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

Meepereewu 3:19

Nakataalikha noone yoori yo mwaasa wookhijili khawaheeni ofiya.

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

Meepereewu 4:6

Nakataalikha ansaleela weettamo akina muuvumula mphule, na apale a omwanzo atafusireliweeyo hapari zooshapweya monkoni wa ovumula, kheetteenimo, mwaasa wa okhijili.

Tiyaaku 2:19

Weeyo onkhupalela yoori Nluku ori mmote paasi? Ti yooshapweya weeyo okhupalela toowo. Na masheethwani ankhupalela na anthukumela.

Tiyaaku 4:6

Ila Ye oninkha rehema yawe yooziti. Tiito zawaatikhiwa zinlupaaye yoori: Nluku khantuveliwa pi apale oojikhupali, ila oniwenkha rehema apale oojipushuwisa.

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

1 Pheeturu 5:9

Muumanane na mwilipalipe nkatthi wa amini, mwijuwaka yoori attwi enkeene mwiriina olumwenku wooshi na yo anhoowa etthiipo.

Othoonyeziwa 18:7

Mwinhooshe womoopopisavo channu namashakha a waatta, nkhama nsiifwa na nraaha mphule ye ajitthiiyeemo. Khwa rooho yawe ye aari ojikhupali yoori: ‘Miiyo ki wa wiikhala nkhama rayisi, aki namafweliwa ti mannaka na akinteela woona theenya huzuni.’

Othoonyeziwa 3:17

Mweeyo mwinri: ‘Nathaajiri, napattha maali na khanintakha hatha etthu.’ Ila khamwinjuwa yoori mwafukhara, mwa woohuzunikha na mwaasikhini, khamwinoona, na mwiri waazu.