Arooma 10:18 - Hapari Zooshapweya

¹⁸ Ila miiyo kinuuzela yoori: Yo khasiileeni? Khweele pi etthiipo asiila, nkhama etthiipo enlupaazo Zawaatikhiwa Ttakatthiifu yoori: “Olumwenku wooshi yasiileya huula yawe, na mattakhuzi awe mpakha okhu wiisheliyeewo olumwenku.”

Arooma 10:18 Mawu Ofanana

Zaapuura 22:27

Atthu ooshi mpakha okhu wiisheliyeewo olumwenku anteela ofikhiri na arutele wa Nnyizinku, khwa ye khapila zooshi enlawa zashututi.

Matewuzhu 24:14

Enttela olaleyiwa hapari epi za ofwalume wa Nluku olumwenku wooshi, nkhama oshaahiti khwa khapila zooshi aphano osala ota mwiisho.

Matewuzhu 26:13

Kiniwuuzani khweele yoori, wakhula vahali zintafusiriwaavo hapari zooshapweya khwa olumwenku wooshi, epi arettiyeeyo muukha otu, zeettaka olupiwa khwa ofikhiriwa ye.”

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Matewuzhu 4:8

Sheethwani khunthuula theenya khumweettana vamwaako mmote woolepa venkivene khunthoonyeza ofwalume wooshi wa olumwenku na siifwa yaya.

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Maaruku 16:20

Aphano anakhiyoni apale khulankha khulawa olaleya phantte zooshi, Mbwana aari owaawuni ahakikhaka mattakhuzi aya na alama zaari owaalottaaye.

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Khaazi 26:20

Khuwaatafusirela omwanzo apale aari wiikhalaaye Tamaashiku, paata ya okhule khuwaatafusirela apale aari Yeruzaleemu na Yudeya yooshi mpakha amalapo, kiwoozaka yoori mwithupwiye mwirutele wa Nluku, mwirettaka vitthu enthoonyezaaye othupwiya weenu.

Khaazi 28:23

Khusiilana orutela okutthana na Paawulu siikhu kiina, khulokotthelana khuntti yene khusala alawa owawe. Waaza supu yooshi mpakha njuwa oveva eettaka owaanozela na alazaka oshaahiti wa ofwalume wa Nluku, eekesaka owaashintta monkoni wa Yinsa, nkatthi wa kano za Munsa na za manapiyu.

Arooma 1:8

Khapula ya zooshi, kininshukhurwela Nluku aka, khwa Yinsa Al-Masiihu, khwa mooshi mweeyo, maana olumwenku wooshi entta olaleyiwa amini mwiriinaaye.

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

1 Atizaloonika 1:8

Maana waaza khwa mweeyo nttakhuzi la Mbwana lamwazeyela Masetooniya na Akaaya, khahiyo ottuukhoru paasi, ila wakhula phantte yajuwiwa amini mwiriinaaye khwa Nluku. Wiishela waya khaninhithajiya olupa theenya monkoni wa eto yaya.