Arooma 1:16 - Hapari Zooshapweya

¹⁶ Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 1:16 Mawu Ofanana

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Luuka 9:26

Otule anikoonelaaye haaya miiyo na mattakhuzi aka, na Mwaana wa Pinaatamu onteela omoonela haaya amana ataaka nsiifwa mwawe na nsiifwa wa Paapa na malayikha ttakatthiifu.

Yaahaya 7:35

Mayaahuuti khusala oozelana atthaaporu yoori: “Ontta vayi mwinyi aya otu nihinttelaaye onsikana? Talili onttela wiikhala na mayaahuuti apale aniikhalaaye malaponi, ama onttela owaasomisa akereeku?

Khaazi 3:26

Nluku anthawula Karumeya awe, khumperekha omwanzo vakatthi venu mweeyo, yoori ooparikhiyeni amana mwilikha oretta vitthu zootakhala.”

Arooma 10:17

Khwa etthiipo amini enta khwa osiila hapari, na hapari ensiiliwa khwa nttakhuzi la Al-Masiihu.

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

Arooma 2:9

Eniiyavo miswipa na othunku khwa anaatamu ooshi anrettaaye zootakhala: waaza mayaahuuti, theenya khwa amalapo;

Arooma 4:11

Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

1 Akorintiyu 15:2

Khwa hapari zooshapweya etthiipo mweeyo mwa wuusurukha, amana mwikholelela woolipanavo nttakhuzi kuutafusireliyeenini; woohiiyi toowo, mweeyo mwakhupali mahala.

1 Akorintiyu 2:2

Maana kajilakelela ohijuwi hatha etthu vakatthi venu, woohiiyi Yinsa Al-Masiihu otu akhomeliweeyo.

1 Akorintiyu 2:4

Hapari zaka na tafusiiri zaka khinlankha nkatthi wa mattakhuzi a akhili otakha wuushinttanani, ila zinlankha khwa othoonyeziwa wa owahi wa Rooho ya Nluku,

1 Akorintiyu 9:12

Nkhama akina ana ruhusa ya otthanttiwa ti mweeyo, fweeyo natepa wiiyana. Ila fweeyo khaninarumeyele ruhusa yaya eto. Olikha toowo, ninvilela zooshi yoori nihitane etthu yoottiyelela hapari za Al-Masiihu.

1 Akorintiyu 9:18

Phakari yaka ti tiivi? Tiiti: otafusiri hapari zooshapweya kifiise mahala, woohirumeyeli ruhusa kiriina amana kitafusiraka.

2 Akorintiyu 2:12

Wakathi kifiyeevo Torowaati yoori kitafusiri hapari zooshapweya za Al-Masiihu, khoona yoori Mbwana akifukulela milako,

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Akaalata 1:7

Khaziivo hapari zooshapweya kiina. Ila awaapho atthu ootakha wuutapanyani na otapwatela hapari zooshapweya za Al-Masiihu.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

1 Timootiyu 1:11

Mwentto opo ori nhapari zooshapweya zinlankhaaye nkatthi wa nuuru ya Nluku wa parakha, kinkhiweeyo miiyo olaleya.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

2 Timootiyu 1:16

Mbwana ti oonele huruma vaje wa Onisiiforu, maana swaafu zinki ti aari okilipiselaaye woohimpatthisi haaya ofukiwa waka.

2 Timootiyu 1:8

Nakataalikha, ehuupatthiseni haaya onlawela oshaahiti Mbwana, wala khwa miiyo, kiiyiye napherezu awe, ila ohoowe vamote na miiyo mwaasa wa hapari zooshapweya khwa owahi wa Nluku.

Meepereewu 4:12

Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

1 Pheeturu 4:16

Khwa zooshi, nkhama onhoowa mwaasa wa wiiya namalottela wa Al-Masiihu, ehimpatthe haaya, ila ansifu Nluku mwaasa wiiyana nzina la onamalottela wa Al-Masiihu.