Akoloosu 4:2 - Hapari Zooshapweya

² Mwikhanyarele olompa, mwiiye oojisiileza na ooshukhuru.

Akoloosu 4:2 Mawu Ofanana

Matewuzhu 26:41

Mwijeekesele na mwilompe yoori mwihikwele muuzayiniwa. Rooho ti yookhomaala ila mwiili pi woottettheya.”

Maaruku 13:33

Phoole, mwiiye woojeekesela, maana khamwijuweeni ofiya wa wakathi aya opo.

Luuka 18:1

Yinsa khuwooza anakhiyoni awe nlikaniso mmote yoori aarina yoolompa woohilikheleli wala woohinyoonyeyi.

Luuka 21:36

Mwiiye woojeekesela na olompa wakhula wakathi, yoori zuuwerawereni vitthu zaya epo zinttelaaye orettikhana na yoori mwapatthe weemela omaasho wa Mwaana wa Pinaatamu amana ata.”

Khaazi 1:14

Wakhula siikhu aari wiiya ookusanyeya vamote na olompa woohilikheleli, na aakha akina vamote na Mariyamu mamaawe Yinsa na attwiize.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.