Akoloosu 4:12 - Hapari Zooshapweya

¹² Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 4:12 Mawu Ofanana

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Luuka 1:1

Oo Tiyoofilu woohishimwiwa, atthu awaatta ajilipisa waatikha hatiithi ya vitthu ziviriyeeyo vakatthi veetthu.

Luuka 22:44

Ari mmashakha, khusala alompa woojilipisavo, mattottonka oovujuwela wawe nkhama taamu khusala akwela vathi.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Arooma 15:14

Attwiizaku, miiyo ena kinkhupalela yoori mweeyo mweetaala emaani saaneene na onozeleya, mwina makhaamu a olakana mmote na nzeenu.

Arooma 15:30

Miiyo kinuuvekelani attwiizaku, khwa Mbwana Yinsa Al-Masiihu na khwa pheta ya Rooho Ttakatthiifu, yoori muumane vamote na miiyo nkatthi wa lompa ya Nluku khwa zwaamu yaka.

1 Akorintiyu 14:20

Attwiizaku, mwilikhe wuupuwela nkhama asimaana. Monkoni wa zootakhala, mwiiye asimaana, ila khwa nanna ya wuupuwela mwiiye awulweene.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Akaalata 1:10

Nasaapi eti miiyo kineekesa okhupaliwa ti anaatamu ama ti Nluku? Eriwaka kaari weekesa owaatuvelisa anaatamu, akaari wiiya karumeya wa Al-Masiihu.

Akaalata 4:19

Aanaaka, kinoona olwaaza ovokola opheya mwaasa wa mweeyo, mpakha Al-Masiihu okhomaala khwa mweeyo.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 1:7

Mweeyo mwanozeliwa ti Epaafara, jiraani eetthu ninkholanaaye khaazi, karumeya wa waamineya wa Al-Masiihu khwa mweeyo,

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Akoloosu 4:9

Ye onta na Oneesimu, ttwiiyetthu wa waamineya na mphetani, eeyiyeeyo mmote wa mweeyo. Yo anteela wuuthatelelani zooshi zinrettikhanaaye okhuno.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

Filimooni 1:23

Epaafara nshirikha kifukelaniweeyo nkalapooso mwaasa wa Yinsa Al-Masiihu onuuperekheza salamu.

Meepereewu 5:14

Ila etthu yoojiwa yookhomaala eniwaafwayi apale awulu, maana yo mwaasa wa oja wakhula siikhu, anjuwa othawula yooshapweya na yootakhala.

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Tiyaaku 1:4

Nthiti laya nttho lina la wiiya lookhamilikha, yoori mweeyo mwiiye ookamilikha na oolotteya, ohivonyiwi ti hatha etthu.

Tiyaaku 5:16

Nakataalikha, mwisala mwitukhuru twampi zenu mwiwoozaka azeenu na olompelana mmote na nzeenu yoori mwivonisiwe. Lompa ya nashariya ena owahi nwulweene.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,