Akoloosu 3:8 - Hapari Zooshapweya

⁸ Ila aphano mwanswi vitthu zaya epo zooshi: katapu, wiiphiiriwa, otakhala rooho, mattukhano, na mattakhuzi ootakhala a nkhanyo mweenu.

Akoloosu 3:8 Mawu Ofanana

Matewuzhu 5:22

Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Maaruku 7:22

oraruwa, okhwiririwa, vitthu zootakhala, ohata, oralana woohiiyi wa halaali, nrima, waapa, ojoona na ololo.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

Akaalata 5:15

Ila nkhama mwintta olumana na orafunana, mwiiyane phoole mwihitapanyane mmote na nzeenu!

Akaalata 5:20

sanamu, oshawi, ohisiilani, onyakulisana, wiivu, katapu, ojikhutupula, omwazeyana, ovalulana,

Akaalata 5:26

Nihiiye atthu oojikhupali, niwaalikaka azeetthu na wiiyana nrima mmote na nzeetthu.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Ayeefezu 4:25

Nakataalikha, wakhula mmote wa mweeyo mwina yoolikha ohata, mwisala mwittakhula haakhi na azeenu, maana fooshi na a mwiili mmote.

Ayeefezu 4:26

Mwikatipukhe, ila mwihikose, owiisheleni okatipukha waya opo njuwa lihinatupweele.

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

Akoloosu 3:9

Mwihihatane mmote na nzeenu, maana mweeyo mwavula ontthu opule wa raku na zowera zaya,

1 Timootiyu 1:13

Miiyo ena omwanzo kaari namakufuru, namalupattha, namahusuti, wakathi aya opule miiyo akaarina amini, etthu kaari orettaaye akaari ojuwa, apha kooneliwa huruma.

1 Timootiyu 1:20

Akina aya ti Hemeeni na Alishantere. Yo kawaalikhela epiliisi yoori awaahoowise, ajuwe ohikufuru.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Tiyaaku 2:7

Khahi atthaapo antarawaaye nzina looshapweya ntthile mweeyo mwinkhuwelaaye?

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

2 Pheeturu 2:7

ila khunlikha Loothi, ntthu wa shariya aari oshukulikhaaye mwaasa wa mwentto wootakhala wa atthu aya apale.

Yuuda 1:13

Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

Yuuda 1:8

Khwa nanna ethiito anamalottha aya apo, ankwakhulisa mwiili aya, antarawu ofwalume wa Nluku na antarawu zumpe za pinkuuni.

Othoonyeziwa 16:9

Apa khwiiya oolukuziwa ti haari yookhomaala na khulaani nzina la Nluku, ntthile liriina oshintta pala zaya epo; khwa zooshi epo khukhijili othupwiya na onttitthimisa.