Akoloosu 3:5 - Hapari Zooshapweya

⁵ Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

Akoloosu 3:5 Mawu Ofanana

Matewuzhu 15:19

Maana nroho ti zinlankhaamo shawuri zootakhala nkhama epi: Wuula, oraruwa, oshawi akhapa, wiiya, olokova na ohankawaani.

Arooma 1:26

Mwaasa wa ethiito, Nluku khuwaalikhela tuvela zaya zoopatthisa haaya. Hatha aakha aya azukulisa mwentto wa khaapa ya ephattu khwa mwentto nkina woohiiyi opule weephattu.

Arooma 1:29

Yo ajiretta wiiya awiitaala nasipu zooshi zohiiyi za shariya, zootakhala, omaashokopho na ottettekha. Pi awaatta nrima, husuti za wuula, ohitakhani, ohata na vitthu zootakhala. Amwanomwaano,

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Arooma 7:23

ila kinoona khwa phantte za mwiili aka, kano kiina enuumananaaye kano eriiye nkatthi wa akhili zaka, enikiretta onapherezu wa kano za twampi ziriiye phantte za mwiili aka.

Arooma 7:5

Maana wakathi opule naari weettettisiwaaye pi vitthu za onaatamu eetthu, khwa tuvela za twampi zithoonyeziweeyo ti kano zaari okhola khaazi nkatthi wa mwiili eetthu, khwa nanna naari wiimaazo mishumo za onilawana muufwa.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

1 Akorintiyu 5:1

Khwa phantte zooshi ensiiliwa yoori vakatthi venu ewaapho khaapa twayifu, khwa nanna wala ehinrettikhanaaye vakatthi wa amalapo, enfiyelelaavo mmote wa mweeyo olalana muukha wa papaawe.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

1 Akorintiyu 6:13

Vitthu zoojiwa pi za ejohojoho na ejohojoho ti ya vitthu zoojiwa; ila Nluku onteela otapanya zoopiiri. Nakataalikha, mwiili khahiyo wa vitthu twayifu, ila khwa Mbwana na Mbwana khwa mwiili.

1 Akorintiyu 6:18

Mwiwerawere khaapa twayifu. Twampi zooshi ntthu anrettaaye ziniiya oje wa mwiili, ila otule anraruwaaye onkosisa mwiili awe.

2 Akorintiyu 12:21

Kinwerawera yoori, amana kita wuuthotolani swaafu kiina, Nluku aka ti akipushuwise omaasho weenu. Kinoona yoori kinttela olila mwaasa wa apale aakosiyeeyo raku, khuhithupwiyi zootakhala zaya, khaapa twayifu na zootakhala kiina arettiyeeyo.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Ayeefezu 4:19

Yo yawaashikha haaya na ajittha muuhuuzeyi, omaashokopho na anretta vitthu zooshi zootakhala.

Akoloosu 2:11

Khwa ye theenya mweeyo mwakhiriya, woohiiyi nkhama okhiriya wa orettiwa pi makhono a enaatamu, ila okhiriya orettiwe ti Al-Masiihu, otthuupo onitapuliyeeyo khwa owahi wa ephattu ya twampi.

1 Atizaloonika 4:3

Niiya ya Nluku ti yoori mweeyo mwiiye woottakatthisiwa. Mwijiphakulane khaapa twayifu.

1 Atizaloonika 4:5

Mwihijilikhelele mwishinttiwaka pi tuvela zootakhala, nkhama amalapo ahininjuwaaye Nluku.

1 Timootiyu 6:10

Weekhweele pheta ya nzurukhu nchina la vitthu zooshi zootakhala. Mwaasa wa omaashokopho na nzurukhu, atthu akina alikha epaata yaya khusala ajihoowisa venkivene.

Meepereewu 12:16

Ahiiyevo njafu ama namakufurwela vitthu ttakatthiifu, nkhama Ezawu otu oozanyisiyeeyo lifunku lawe la ottunkhulu mwaasa wa parathu moote ya etthu yoojiwa.

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

Tiyaaku 4:1

Ohisiilani na onyakulisana vakatthi venu onlankha vayi? Khahi mwaasa wa tuvela zinuumanaaye nkatthi mweenu?

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.