Akoloosu 3:3 - Hapari Zooshapweya

³ Maana mweeyo mwafwa, na nasaapi ohaayi enu wavithiwa ti Al-Masiihu khwa Nluku.

Akoloosu 3:3 Mawu Ofanana

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

Yaahaya 14:19

Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Yaahaya 5:40

ila mweeyo khamwintakha okiteela miiyo yoori mwiiyane ohaayi.

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

1 Akorintiyu 2:14

Ntthu wa ephattu khankhupalela vitthu zinlankhaaye khwa Rooho ya Nluku, maana onoona nkhama vitthu zoololo; ye khinimweeleya, maana epo zimpheleleziwa nroho.

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

2 Akorintiyu 5:7

Maana niniikhala khwa amini, woohiiyi khwa etile ninoonaaye.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Ayeefezu 3:9

na oweeleza atthu ooshi monkoni wa nanna enkholiwaazo siiri eti, Nluku namumpa wa zooshi aavithiyeeyo thanku asulani.

Afiliipu 4:7

Na heeri ya Nluku, enzitaaye weeleyiwa wooshi, enthokorela rooho na akhili zenu mweeyo, khwa Al-Masiihu Yinsa.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

Akoloosu 2:20

Etthiipo mwifwiyeeyo khwa Al-Masiihu mwafwa khwa yaazo yoolankha voolumwenku attaapha, mwihiikhale nkhama atthu a voolumwenku, mwisiilezaka nyiikho zaya epi:

Akoloosu 2:3

Majuju ooshi, a akhili na a ojuwa avitheya khwa ye.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

Meepereewu 7:25

Tiito, ye onaaye owahi mileele wa owoosuru apale animwaattamaaye Nluku khwa ye, maana meekhazi awe ooshi aniiya a owaavekelela yo.

1 Pheeturu 3:4

Olikha toowo, oshapweya weenu mweeyo ona ya wiiya nroho, maana opo khunaashikha; oshapweya onthoonyezeya khwa rooho ya ojipushuwisa na yawiitthaala, ona fwayita khuluyeene omaasho wa Nluku.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

Othoonyeziwa 2:17

Otule ariina mashiilo ti asiile etile Rooho Ttakatthiifu elupiyeeyo khwa ojama wa Nluku. Otule anshinttaaye kinimwinkha oja mana oovithiwa, na theenya kinimwinkha liwe loolakala lawaatikhiwa nzina lipheya, anjuwaaye ti otule anttelaaye opwekhera paasi.”