Akoloosu 3:15 - Hapari Zooshapweya

¹⁵ Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

Akoloosu 3:15 Mawu Ofanana

Zaapuura 100:4

Mwivire vamilako wa Nyuupa Yawe Yoosifwiwamo na oshukhuru, na nlivenu mwawe na maliipo a siifwa; mwinshukhurwele, na mwilupe wooparikhiyavo nzina lawe.

Yuunusa 2:9

Ila miiyo kinteela wuushukhurwela weeyo na maliipo a siifwa na owinkha twaha, na kinteela oretta eti kaahitiyeeyo, maana nusura enlankha khwa Nnyizinku.”

Yaahaya 14:27

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Arooma 1:21

Maana yo anjuwa Nluku, ila khuhimwinkhi siifwa ansuhaaye na khuhinshukhurweli, ila wuupuwela waya waretteya wiiya woohiina fwayita na rooho zaya zoololo zariipa.

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

1 Akorintiyu 10:17

Wiiya ewaapho phaawu moote paasi, fweeyo, niiyiyeeyo awaatta, na mwiili mmote, maana fooshi ninja phaawu moote paasi.

1 Akorintiyu 7:15

Ila, otule woohiiyi muumini amana atakha waasha, ti aashe. Khwa vitthu zaya epo, ttwi ama nlupu oniiya wootaphuliwa, Nluku anikhuwela yoori niikhale khwa heeri.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

2 Akorintiyu 9:11

Mweeyo mwinttela oreelisiwa khwa wakhula nanna, yoori mwiiyane winkha woohilikheleli wakhula wakathi, khwa fweeyo, winkha woohilikheleli weenu esutukhwane yiiyaka rehema ya Nluku.

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Ayeefezu 5:1

Nakataalikha, mwiiye anamweezela a Nluku nkhama aana oophetiwa,

Ayeefezu 5:20

Woohilikheleli onshukhurwela Nluku Paapa khwa zooshi, khwa nzina la Mbwana eetthu Yinsa Al-Masiihu.

Akoloosu 1:12

Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

1 Timootiyu 2:1

Apho, ehinarettiwe hatha etthu, kinuuhirimizani olompa; lompa yookhola moolu, yoovekeleliwa anaatamu ooshi na lompa yooshukhurwela.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

Meepereewu 13:15

Tiito, woohilikheleli khwa Yinsa, nlaweni nimwinkhe Nluku twaha ya omwiipela maliipo a siifwa, ziiyiyeeyo mishumo za milomo zintukhurwaaye nzina lawe.

Othoonyeziwa 7:12

araka: “Amiina! Siifwa na ottitthima, akhili, oshukhurwela, hishima, owahi na kuvu ziiye za Nluku eetthu khwa mileele. Amiina!”