Akoloosu 3:14 - Hapari Zooshapweya

¹⁴ Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

Akoloosu 3:14 Mawu Ofanana

Yaahaya 13:34

Kiniwinkhani oruma mpheya: mwiphetane mmote na nzeenu. Nkhama etthiipo kuuphetiyeenini, mwiphetane mmote na nzeenu.

Yaahaya 15:12

“Oruma waka pu opu: mwiphetane mmote na nzeenu nkhama etthiipi miiyo khinuuphetanini mweeyo.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Arooma 13:8

Mwihiliwe hatha etthu, woohiiyi pheta ya mmote na nzeenu, maana otule animphetaaye nzaawe onshututela kano ya Nluku.

Ayeefezu 1:4

Olumwenku ohinompiwe, Nluku anithawula rakuzeene khwa Yinsa yoori niiye attakatthiifu na niiye atthu oohiina paathuli mmakhono mwawe.

Ayeefezu 4:3

Mwijilipise yoori mweekese othokorela okusanyeya wa Rooho Ttakatthiifu khwa ophakanyeya wa heeri.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

Meepereewu 6:1

Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

2 Pheeturu 1:7

va emaani, ojalana; va ojalana, pheta.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

1 Yaahaya 4:21

Al-Masiihu aninkha oruma opu: Otule animphetaaye Nluku, theenya ona yompheta ttwiiye.