Akoloosu 2:7 - Hapari Zooshapweya

⁷ wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Akoloosu 2:7 Mawu Ofanana

Zaapuura 1:3

Ye onuupuwa nkhama muutthi woozaliwa nshini wa muuttho: Onraaye amana ofiya wakathi wa wiima khuhivonyeli wiima na mathapa aya khannyaala. Na wakhula etthu anrettaaye eniiya yonlikanela.

Luuka 6:48

Onlikanana ntthu anjekaaye nyuupa yawe khuthipa khwiichisa saaneene khuttha vanchina la mawe woozivalavo. Khuta nnyeri khupiya nyuupa etile ila khuhisakhinyeyi mwaasa woozivalisiwa.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

2 Akorintiyu 1:21

Nluku ti annikhomaazeye fweeyo na mweeyo khwa Al-Masiihu. Ye ti anithawaziyeeyo.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Ayeefezu 5:20

Woohilikheleli onshukhurwela Nluku Paapa khwa zooshi, khwa nzina la Mbwana eetthu Yinsa Al-Masiihu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

2 Atizaloonika 2:17

athuze rooho zenu na oolipiseleni khwa oretta vitthu zooshapweya mileele, waaza nkhaazi mpakha mmattakhuzi.

Meepereewu 13:15

Tiito, woohilikheleli khwa Yinsa, nlaweni nimwinkhe Nluku twaha ya omwiipela maliipo a siifwa, ziiyiyeeyo mishumo za milomo zintukhurwaaye nzina lawe.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Yuuda 1:12

Atthu aya apo anuupuwa nkhama livula la mawe oovitheya na anta va njampo venu, woohiina hatha shaakha, mishuki zoojishuka ottho. Mawiku oohiina maati owawaziwa ti pheevo; miitthi za mwiita zoohiimi mishumo zoofwa swaafu piiri, khukhuliwa mitathaari zaya.

Yuuda 1:20

Mwikhomaale, ajiraani zaka, khwa amini ttakatthiifu etile mwiriina, mwilompaka khwa Rooho Ttakatthiifu.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,