Akoloosu 2:13 - Hapari Zooshapweya

¹³ Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

Akoloosu 2:13 Mawu Ofanana

Luuka 15:24

Mwaasa yoori mwanaka otu aafwiiye, apha ori haayi; aashikhiye, apha apattikhana.’ Khwaaziwa njampo.

Luuka 15:32

Ila yaari ohithajiya oretta njampo la furaha, mwaasa yoori ttwiiyo aafwiiye apha ori haayi, aashikhiye apha apattikhana.’ ”

Luuka 9:60

Yinsa khumuuza yoori: “Owaalikhe ananfwa awaazikhe ananfwa aya; weeyo olawe walaleye Ofwalume wa Nluku.”

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 6:63

Rooho ya Nluku eninkha ohaayi, ila mwiili khuna fwayita. Mattakhuzi apa kiwuuziyeenini pi a rooho na ohaayi.

Arooma 4:17

Nkhama yaatikhiweezo yoori: “Miiyo kooretta wiiya paapa wa khapila zawaatta.” Ye ti papeetthu omaasho wa Nluku, othuuto ankhupaliyeeyo, Nluku aniwinkhaaye ohaayi ananfwa na anrettisaaye vitthu zoohiivo nkhama za wiiyavo.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

1 Akorintiyu 15:36

Alolo! Etile weeyo onzalaaye khimphutuwa khapula ehifweeni.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 5:19

eto tiiti, Nluku khwa Al-Masiihu ajisiilanisa olumwenku, khuhijali twampi za anaatamu, na khuninkhelela hapari zinsilanisaaye.

Ayeefezu 2:1

Mweeyo mwaafwiiye mwaasa wa koosa zenu na twampi zenu.

Ayeefezu 2:11

Nakataalikha, muupuwele yoori thanku ovokoliwa weenu mwaari amalapo, mwariwitthiwaaye ananhikhiriyi pi apale aari ojitthaaye anamakhiriya a mwiili, onrettiwaaye pi makhono eenaatamu.

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Akoloosu 2:12

Epo zarettikhana paata ya mweeyo ozikhaniwa Al-Masiihu khwa njampo la woosa, na mwasisimuliwa na ye khwa amini ya owahi wa Nluku opule onsisimuliyeeyo muufwa.

1 Timootiyu 5:6

Ila otule anjitupweezaaye nkatthi wa tuvela za olumwenku, hatha nkhama ori haayi oniiya woofwa.

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

Meepereewu 6:1

Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Tiyaaku 2:17

Khwa etthiipo theenya amini ottho, yoohipakhanyiwi na khaazi, eniiya yoofwa.

Tiyaaku 2:20

Weeyo nlolo! Ontakha othoonyeza yoori amini yoohilokoziwi ti khaazi khina fwayita?

Tiyaaku 2:26

Nkhama etthiipo, mwiili woohiina rooho pi woofwa, na amini yoohiina khaazi ti yoofwa.

1 Yaahaya 2:12

Miiyo kiniwaatikhelani mweeyo aanaaka, maana twampi zenu zaswaamihiwa, mwaasa wa rehema ya Yinsa.