Akoloosu 2:12 - Hapari Zooshapweya

¹² Epo zarettikhana paata ya mweeyo ozikhaniwa Al-Masiihu khwa njampo la woosa, na mwasisimuliwa na ye khwa amini ya owahi wa Nluku opule onsisimuliyeeyo muufwa.

Akoloosu 2:12 Mawu Ofanana

Luuka 17:5

Maaswihaapa khunvekela Yinsa yoori: “Mbwana, weekezele amini yeetthu!”

Khaazi 14:27

Noofiya Antiyookiya okhule, khuwaakusanya atthu apale a ojama wa Nluku khusala owooza zooshi epile Nluku aarettiyeeyo khwa yo na nanna aafukuliiyezo milako za amini khwa amalapo.

Khaazi 2:24

Ila Nluku ansisimuliyeeyo vakatthi wa ananfwa, khuntthomela owahi woofwa maana yaari etthu yoohiwaheyi oshinttiwa ti ofwa.

Khaazi 2:32

Nluku ansisimula Yinsa, fweeyo fooshi na mashaahiti a vitthu zaya epo.

Arooma 4:24

ila theenya khwa fweeyo, apale Nluku anttelaaye owaakhupalana shariya, fweeyo nininkhupalaaye otule ansisimuliyeeyo muufwa Yinsa, Mbwana eetthu.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

1 Akorintiyu 15:20

Ila wekhweele, Al-Masiihu asisimuwa vakatthi wa ananfwa, othuuto eeyiyeeyo mwanzo na nroromelo wa apale ooshi afwiyeeyo.

Akaalata 3:27

Maana mooshi mweeyo moosiweeyo khwa Al-Masiihu, mwanwala Al-Masiihu.

Ayeefezu 2:8

Khwa rehema moosurukha vakatthi wa amini, epo zaya khinlankha khwa mweeyo, tthuvo ya Nluku,

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Ayeefezu 3:7

Khwa hapari zooshapweya etthiipo, karetteya wiiya nakhaazi khwa tthuvo ya rehema ya Nluku, akinkha khwa kuvu za owahi ariinaaye.

Ayeefezu 4:5

Mbwana mmote paasi, amini eri moote paasi, woosiwa ori mmote paasi,

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Afiliipu 1:29

Mweeyo mwenkhiwa ruhusa khahiyo paasi ya onkhupali Al-Masiihu ila theenya ohoowa mwaasa wa ye.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 6:2

Mweeyo khamwinihithajiya theenya masomi a njampo la woosa na ottheeliwa makhono, osisimuwa wa ananfwa na ophukiwa wa mileele.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,