Akoloosu 2:11 - Hapari Zooshapweya

¹¹ Khwa ye theenya mweeyo mwakhiriya, woohiiyi nkhama okhiriya wa orettiwa pi makhono a enaatamu, ila okhiriya orettiwe ti Al-Masiihu, otthuupo onitapuliyeeyo khwa owahi wa ephattu ya twampi.

Akoloosu 2:11 Mawu Ofanana

Maaruku 14:58

“Fweeyo nansiila alupaka yoori: ‘Kimpwecha Nyuupa eti Yoosifwiwamo yoojekiwa pi makhono a anaatamu, na siikhu ttatthu kijeke kiina, yoohijekiwi pi makhono eenaatamu.’ ”

Luuka 2:21

Noofiya siikhu naane, mwaana otule khukhiriyisiwa, khutthajiwa nzina la Yinsa, nttintthile aalupiyeeyo nlayikha ahineemitthiwe.

Khaazi 17:24

“Nluku othuuto ompiye olumwenku na vitthu zooshi ziriimo othuuto ti eeyiye Mbwana wa pinkuuni na vathi apha, ye khaniikhala nnyupa yawaattaliwa pi makhono enaatamu.

Khaazi 7:48

“Nakataalikha, Nluku Nwulu khaniikhala nnyupa yoojekiwa ti makhono apinaatamu, nkhama etthiipo alupiyeezo napiyu:

Arooma 2:29

Wala! Yaahuuti ti otule eeyiye yaahuuti nkatthi mwawe, na okhiriya khaamili pi opule wa nroho, onrettiwaaye ti rooho ya Nluku, ohinrettiwaaye ti kano zawaatikhiwa. Na siifwa ampwekherelaaye atthu apo khinlankha mmakhono wa anaatamu, enlankha wa Nluku.

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Arooma 7:24

Ntthu fukhara kiriizo! Paani anttelaaye okitaphula mwiili opu onfwaaye?

2 Akorintiyu 5:1

Ninjuwa yoori amana epwechiwa heema yeetthu eti niniikhalaamo, wiiyiye mwiili eetthu wa vathi apha, Nluku onninkha nyuupa ya wiikhalamo pinkuuni. Nyuupa yoohijekiwi pi makhono eenaatamu, Nluku ti ajekiyeeyo, na ti ya mileele.

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

Meepereewu 9:11

Wakathi Al-Masiihu atiiyeevo nkhama haakhimu nwulu wa tiini khwa vitthu zooshwapweya ziriivo nasaapi eti, ye avira phantte khuulu ya heema ttakatthiifu, yootepa na yooziti okhamilikha, yoohaattaliwi ti pinaatamu, eto, khinretta phantte ya wumpiwa wa olumwenku opu.

Meepereewu 9:24

Maana Al-Masiihu khavireeni omwimpari waattaliwa pi makhono a atthu wiiyiye weezela wa mwimpari opule wookhweele; ye alawa pinkuuni, ojithoonyeza nasaapi mmakhono wa Nluku khwa zwaamu yeetthu.