Akoloosu 1:6 - Hapari Zooshapweya

⁶ zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Akoloosu 1:6 Mawu Ofanana

Matewuzhu 24:14

Enttela olaleyiwa hapari epi za ofwalume wa Nluku olumwenku wooshi, nkhama oshaahiti khwa khapila zooshi aphano osala ota mwiisho.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Maaruku 4:8

Kiina khukwela vanshaka wooshapweya, khoottha, khuwula na khwiima mishumo zooshwapweya, talaathiini, siithiini na mpakha miiya wakhula mmote.”

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Yaahaya 4:23

Khwa attaapho ontta ofiya wakathi na khweele wafiya, anamwaaputu eekhweele anttela omwaaputu Paapa khwa rooho na khweele. Anamwaaputu Paapa aniweekesaaye pi atthaapo.

Khaazi 11:18

Noosiila mattakhuzi apale, khuhiruteli olupa mattakhuzi makina, khunsifu Nluku araka: “Khweele, mpakha amalapo Nluku awenkha othupwiya yoori apatthe ohaayi.”

Khaazi 12:24

Aphano nttakhuzi la Nluku khusala liwula na limwazeya.

Khaazi 16:14

Muukha mmote aari wiitthiwaaye Liitiya aari woonisiileza saana. Aari wuuzanyisaaye kuwo zawooneela wa sitati ya nti wa Tiyatiira. Liitiya aari woomoova Nluku, Mbwana khunfukula rooho yawe yoori apwekherele etile Paawulu aari olupaaye.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 1:13

Kintakha mweeyo attwiizaku mwijuwe yoori kaaza raku owaza shawuri za oteela owoonani, ila khusala kitapwateliwa mpakha apha. Niiya kiriina otakha wuurula mishumo vakatthi venu mweeyo, nkhama kinuurulaazo vakatthi wa amalapo akina aya.

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 15:28

Etthiipo, paata ya omarisela khaazi eti na khwiiyana hakiikha yoori yo apwekherela mishumo epi, kinlawa Shipaanya na kinuuthotolani amana kiviraka.

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

2 Akorintiyu 10:14

Eriwaka khazaafiiye mpakha okho, zaari weettela orettikhana toovi zihuufiyeleenini, maana noofiyelani mweeyo na hapari zooshapweya za Al-Masiihu.

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

Ayeefezu 3:2

weekhweele mweeyo mwinjuwa yoori Nluku, mwaasa wa rehema yawe, akinkha khaazi eti khwa saana yenu mweeyo.

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Ayeefezu 4:23

enhithajiya yoori rooho zenu na mmwishwa mweenu wiiye woozukulisiwamo saaneene,

Ayeefezu 5:9

Maana mishumo za nnuuru zintana okemaani, shariya na haakhi.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Afiliipu 4:17

Khahiyo yoori miiyo kineekesa winkhiwa zaakha, ila kintakha woona fwayita yeettaka weekezeleya khwa phantte yenu mweeyo.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.