Akoloosu 1:28 - Hapari Zooshapweya

²⁸ Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akoloosu 1:28 Mawu Ofanana

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 3:7

Wakathi ye awooniyeeyo mafwarizeewu na masatukhi enkeene ateliye woosiwa ti ye, khuwooza yoori: “Khapila ya evili! Ti paani awuuziyeenini otthira katapu entaaye?

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Maaruku 6:34

Eeshukhaka nkalawa Yinsa, khoona khuntti khuluyeene ya atthu, khuwoonela huruma, maana zaari nkhama pwittipwitthi zoohiina makhampuzi. Aphano khwaaza owaasomisa vitthu zawaatta.

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Khaazi 11:20

Akinoko apale aari a Shiipere na sitati ya Sireene, khulawa Antiyookiya khusala awooza akereeku hapari monkoni wa Mbwana Yinsa.

Khaazi 13:38

“Nakataalikha attwiizaku, kintakha mwijuwe yoori mooziwa monkoni wa nswammaha wa twampi.

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Khaazi 17:3

aweelezaka na awaathoonyezaka yoori Al-Masiihu aarina yoofwa na asisimuwe muufwa. Khulupa yoori: “Yinsa othuutu miiyo kinuufiselanini Al-Masiihu ti othuuto.”

Khaazi 20:31

Apho, mwijeekesele, mwifikhirele yoori khwa nyaakha mittatthu miiyo akilikheleleeni wuulipiselani wakhula mmote wa mweeyo, osikhu na nthana, na mishozi zeettaka okikwa.

Khaazi 3:20

yoori ote wakathi wa ovumula wa olankha phantte ya Mbwana na amperekhe Yinsa, othuuto atthomiweeyo yoori eeye Al-Masiihu.

Khaazi 5:42

Khuhilikhi osomisa na olaleya hapari zooshapweya Nnyupa Woosifwiwamo na nyuupa khwa nyuupa siikhu zooshi, alupaka yoori Yinsa ti Al-Masiihu.

Khaazi 8:35

Elottelanaka Filiipe khwaaza omweeleza mwiitiyoopiya otule, khwa mattakhuzi atthaapale ari osomaaye a nkithaapu ya Ezaaya, khusala amuuza hapari zooshapweya monkoni wa Yinsa.

Khaazi 8:5

Filiipe eettiye sitati ya nti wa Samariiya, noofiya khusala alaleya monkoni wa Al-Masiihu.

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

1 Akorintiyu 15:12

Nkhama entafusiriwa yoori Al-Masiihu asisimuwa vakatthi wa ananfwa, nannani akinoko a mweeyo alupaka yoori khawiivo osisimuwa wa ananfwa?

1 Akorintiyu 2:15

Ila otule eeyiyeeyo ttakatthiifu enimweeleya vitthu zooshi, ye khaavo aniphelelezaaye.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

1 Akorintiyu 4:14

Akineekesa wuupatthisani haaya amana kaatikhaka vitthu epi; ila kineekesa wuuhirimizani, nkhama aanaaka awuuphetani.

2 Akorintiyu 10:14

Eriwaka khazaafiiye mpakha okho, zaari weettela orettikhana toovi zihuufiyeleenini, maana noofiyelani mweeyo na hapari zooshapweya za Al-Masiihu.

2 Akorintiyu 11:2

Niiya kiriina khwa mweeyo niiya enlankhaaye wa Nluku. Miiyo kawaahitini oraliwa ti nlume mmote paasi Al-Masiihu, kitakhaka wuuthoonyezani ye nkhama mwaari swaafi.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Ayeefezu 5:27

yoori wajithoonyeze khwa ye nkhama ojama wa Nluku woohiina hatha malepa wala jaraha ama vitthu kiina zootakhala, ila ttakatthiifu woohiina tafwawuthi.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akoloosu 2:10

mwaasa wa wiiya khwa ye, eeyiyeeyo eeshwa ya owahi wooshi na ofwalume, mweeyo mwapattha okhamilikha khwa zooshi.

Akoloosu 2:3

Majuju ooshi, a akhili na a ojuwa avitheya khwa ye.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 4:6

Khwa vitthu zaya epo, ahiiyevo animoonisaaye olwaaza ttwiiye wala ahinttettekhe. Mbwana onteela ohukhumu zoorettiwa zaya epo, nkhama etthiipo naalupiyeezo na khuuchimulelani.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

Meepereewu 10:14

Maana khwa twaha moote ethiito paasi yawaakhamilikhisa mileele apale antwahareshiwaaye.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

2 Pheeturu 3:15

Mwitthe mwa akhili mweenu yoori ovilela wa Mbwana eetthu onthoonyeza nusura, nkhama mphetani ttwiiyetthu Paawulu awaatikheliyeenini khwa ojuwa Nluku amwinkhiyeeyo.