Akoloosu 1:12 - Hapari Zooshapweya

¹² Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Akoloosu 1:12 Mawu Ofanana

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 20:17

Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”

Yaahaya 4:23

Khwa attaapho ontta ofiya wakathi na khweele wafiya, anamwaaputu eekhweele anttela omwaaputu Paapa khwa rooho na khweele. Anamwaaputu Paapa aniweekesaaye pi atthaapo.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

Arooma 15:27

Aarina tuvela wa epo zaya na weekhweele ana sharuthi ya attakatthiifu a Yeruzaleemu. Maana, nkhama amalapo aretta phantte ya parakha ttakatthiifu ya mayaahuuti, ana ya owaarumeyela mayaahuuti theenya na maali zaya.

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

1 Akorintiyu 9:23

Kinretta zooshi epo mwaasa wa hapari zooshapweya, yoori kirette phantte ya parakha zawe.

2 Akorintiyu 11:14

Eto khahiyo etthu yooshankisa, maana Epiliisi onjiretta wiiya nlayikha la nuuru.

2 Akorintiyu 5:5

Nluku ti anitthenkeziyeeyo khwa niiya ethiito, aninkha Rooho nkhama nroromelo wa etile entaaye.

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Ayeefezu 1:18

kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Ayeefezu 4:6

Nluku mmote na Paapa wa atthu ooshi, othuuto eeyiyeeyo vatulu wa zooshi, ori khwa ooshi na onkhola khaazi khwa ooshi.

Ayeefezu 5:11

Mwihijivuluwelise nkhaazi zihiniiyanaaye mishumo, khaazi zaya epo za n'yiiza mwitiise nnuuru.

Ayeefezu 5:20

Woohilikheleli onshukhurwela Nluku Paapa khwa zooshi, khwa nzina la Mbwana eetthu Yinsa Al-Masiihu.

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Tiyaaku 3:9

Ninrumeyela nlimi nttinttho ninsifwaka Mbwana Paapa, na khwa nttinttho niniwaalani atthu, ompiweeyo oolattanana Nluku.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

Othoonyeziwa 21:23

Sitati kinhithajiya njuwa, wala mweezi, yoori emwasikhelemo, maana nuuru ya Nluku ti emmwasikhelaawo, na Pwittipwitthi ti yiiyiye khantteya yaya.

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.

Othoonyeziwa 22:5

Khunteela wiiyavo theenya osikhu, khanlawa otakha yo nuuru ya khantteya, wala nuuru ya njuwa, maana Mbwana Nluku onttela waara khwa yo, na yo anttela olokozela khwa mileele.