Akaalata 6:8 - Hapari Zooshapweya

⁸ Maana otule anzalaaye za onaatamu, khwa za onaatamu onuurula otapanyeya; ila otule anzalaaye khwa Rooho ya Nluku, khwa Rooho onuurula ohaayi wa mileele.

Akaalata 6:8 Mawu Ofanana

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Luuka 18:30

oto onteela opokhera venkivene vathi attaapha, na omwiisho waya apokhere ohaayi wa mileele.”

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 4:36

Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

1 Akorintiyu 15:42

Enttela wiiya etthiipo khwa osisimuwa wa ananfwa. Mwiili ozaliweeyo ontta waashikha khusisimuwa ohinaashikhaaye.

Akaalata 6:7

Mwihijittettekhe: Nluku khanveyisiwa. Etile pinaatamu anzalaaye, ethiito theenya ti anttelaaye wuurula.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Tiyaaku 3:18

Nshumo wa shariya onzalaniwa heeri khwa apale ariina heeri.

2 Pheeturu 2:12

Ila atthu aya apo anlattanana nyama zohuupuweli zinikhalaaye yoori zikholiwe na zuuliwe. Anttakhula wootakhalavo khwa epile ehiniweeleyaaye. Anttela otapanyiwa nkhama nyama.

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Othoonyeziwa 22:11

Nanhiina shariya akhanyarele ohiina shariya, anamatakhala rooho akhanyarele otakhala rooho waya, na shariya akhanyarele oretta shariya, nttakatthifu akhanyarele ojittakatthisa.”