Akaalata 6:7 - Hapari Zooshapweya

⁷ Mwihijittettekhe: Nluku khanveyisiwa. Etile pinaatamu anzalaaye, ethiito theenya ti anttelaaye wuurula.

Akaalata 6:7 Mawu Ofanana

Luuka 16:25

“Eburahiima khunjipu yoori: ‘Mwanaka, omfwahamu yoori muuhaayi mwawo waapokheriye vitthu zooshapweya, ila Laazaru muuhaayi mwawe eetta ohoowa. Aphano ye asithirikha, weeyo ontta ohoowa.

Luuka 21:8

Yinsa khuwaajipu yoori: “Phoole! Mwihihatiwe, maana anlawa apuwe atthu awaatta araka, ‘Al-Masiihu ti miiyo!’ Ama ‘wakathi wafiya!’ Ila mwihiwaalotte apo aya.

1 Akorintiyu 15:33

Mwihijilikhelele ottettekhiwa: “Ashirikha oohisuhi antapwatela mwentto wooshapweya.”

1 Akorintiyu 3:18

Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

2 Akorintiyu 9:6

Muupuwele epo zaya: otule anzalaaye vattitthiiru, onuurula vattitthiiru, na otule anzalaaye yawaatta, onuurula yawaatta.

Akaalata 6:3

Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

2 Atizaloonika 2:3

Mwihinlikhe ntthu wuuttettekhani hatha vattitthiiru. Ehinafiye siikhu yaya eto, onlawa weeyevo okhijili, aphano phi anttelaaye othoonyeziwa ntthu wa twampi, mwaana wa opwetheya.

Tiyaaku 1:22

Mwiiye anamashututela nttakhuzi la Nluku, khahiyo onamasiila paasi mwijihataka mwenyeweru.

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

1 Yaahaya 1:8

Nkhama ninjilupeza ohiina twampi, nintta ojittettekha na nkatthi mweetthu khayiimo haakhi,

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.

Yuuda 1:18

Yo awuuzani mweeyo yoori: “Siikhu ya mwiisho anteela opuwa anamattukhana anttelaaye olottela tuvela zaya za okaafiri.”