Akaalata 6:3 - Hapari Zooshapweya

³ Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Akaalata 6:3 Mawu Ofanana

Luuka 18:11

Mfwarizeewu ari wa weemela, aari olompa otthwe araka: ‘Nluku, miiyo kinuushukhurwela maana miiyo aki nkhama atthu akina, apale oheettetteli shariya, manantarawu, anamararuwa, wala nkhama namariphisa lumpuru oto ariiye apho.

Khaazi 5:36

Maana, ehinafiye siikhu epi, aapuwiye mwinyi mmote aari wiitthiwaaye Teewuda, aari ojoonaaye wiiya nwali; othuuto alawiye khuwaakusanya atthu miiya nne. Ila yaya khuuliiwa na ooshi apale aari onsilezaaye khwiiya oomwazeya na woohishintti hatha etthu.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 3:18

Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Akorintiyu 8:2

Otule anuupuwelaaye yoori onjuwa etthu, nalelo khanajuwe nanna aneettelaazo ojuwa.

2 Akorintiyu 12:11

Kaari nlolo ottakhula toowo, ila ti mweeyo mwikikhanyareliye epo zaya. Miiyo kaarina ya orumiwa ti mweeyo, maana aki woopushuwa fwayita zayita “maaswihaapa apale awulu,” hatha nkhama aki paani.

2 Akorintiyu 3:5

Khahiyo yoori neetta wiiyana makhaamu a wuupuwela etthu nkhama yeetthu nennyewe, ila makhaamu eetthu anlankha wa Nluku.

Akaalata 2:6

Ila apale anjoonaaye wiiya oojuwanikha, kinlupa toowo, miiyo khinikijali nanna yo ariizo, maana Nluku khanimphuka ntthu khwa wumpo awe, apo anjoonaaye khakuuzeeni yoori kiina ya weekezelavo etthu khwa hapari epi kintafusiraaye.

Akaalata 2:9

Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Tiyaaku 1:22

Mwiiye anamashututela nttakhuzi la Nluku, khahiyo onamasiila paasi mwijihataka mwenyeweru.

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

1 Yaahaya 1:8

Nkhama ninjilupeza ohiina twampi, nintta ojittettekha na nkatthi mweetthu khayiimo haakhi,