Akaalata 6:12 - Hapari Zooshapweya

¹² Apale antakhaaye othoonyeza vitthu zooshapweya za mmwiili, anuukhanyarelani yoori mwikhiriye, yoori yo ahiiye oolupatthiwa mwaasa wa nsalapa wa Al-Masiihu.

Akaalata 6:12 Mawu Ofanana

Matewuzhu 23:27

“Olaanikha pu weenu mweeyo, anamanozela a kano na mafwarizeewu, manaafikhi, maana mweeyo mwiri nkhama vilalo yoovaaziwa khinampo, oje waya enumpuwaaye nkhama yooshapweya, ila nkatthi mwaya eetaaliyemo makhonkolo alupa ofwa na wakhula nanna ya vitthu zoovutta.

Matewuzhu 23:28

Oje weenu mwinuupuwa nkhama anashariya, ila nkatthi mweenu mweetaala onaafikhi na vitthu zootakhala.

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.

Matewuzhu 5:10

Ooparikhiyiwa pi apale anlupatthiwaaye mwaasa wa shariya, maana ofwalume wa pinkuuni pi waya.

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Matewuzhu 6:2

“Nakataalikha, amana mwinkha zimola mwihithuule nlope khusala mwilaleya, nkhama anrettaazo manaafikhi mmasinakooka na ntarikhi, atakhaka yoori asifwiwe pi akina aya. Miiyo kiniwuuza khweele yoori yo apokhera phakari yaya.

Matewuzhu 6:5

“Na amana mwilompaka, mwihiiye nkhama manaafikhi. Yo owaatuvela weemela khusala alompa nsinakooka na ntarikhi, atakhaka yoori ooniwe pi akinoko aya. Miiyo kiniwuuzani khweele yoori, yo apokhera phakari yaya.

Luuka 16:15

Aphano ye khuwooza yoori: “Mweeyo pi apale oojoona wiiya anashariya vakatthi wa atthu, ila Nluku onjuwa rooho zenu. Etile atthu anoonaaye wiiya ya fwayita, omaasho wa Nluku ti yootaraweya.

Luuka 20:47

aniweeyelaaye anamfweliwa pi amanna zaya vitthu zaya, ojihakikhi khwa oretta lompa zoolepa. Apo aya anlawa apokherele hukhumu khuluyeene.”

Yaahaya 7:18

Otule anjilupaaye mweenyewe oneekesa siifwa yawe, ila otule aneekesaaye siifwa ya otule amperekhiyeeyo, oto ti wa khweele; khayiivo hatha etthu yoovonyeya vakatthi vawe.

Khaazi 15:1

Atthu akina a Yudeya khuta mpakha Antiyookiya, noofiya khusala awaasomisa attwi zaya awoozaka yoori: “Mweeyo amana mwihikhiriyi nkhama etthiipo Munsa anisomisiyeezo khamwinteela wuusurukha.”

Khaazi 15:5

Aphano attaapho khupuwavo atthu aari a khuntti ya mafwarizeewu ankhupaliyeeyo Yinsa, khulupa yoori: “Atthu ahiiyeeni mayaahuuti nina ya owaakhiriyisa na owaakhanyarela oshututela kano za Munsa.”

2 Akorintiyu 10:12

Khanina shawuri za otakha ojilikanisana wala ojilattisana apale anjishashawulaaye eenyewe. Amana yo ajiphima anjilattisana eenyewe anretta vitthu ehiweeleyaka.

2 Akorintiyu 11:13

Maana atthu aya apo maaswihaapa oojipanka, akarumeya oottettekha, ajinkha wiiya maaswihaapa a Al-Masiihu.

Akaalata 2:14

Ila miiyo kooniyeevo yoori khaneettetta saana khwa haakhi ya hapari zooshapweya, khumuuza Pheeturu vakatthi wa atthu ooshi yoori: “Khwa vitthu zoojiwa, weeyo oniikhala nkhama mmalapo khahiyo nkhama yaahuuti, khi oniwaakhanyarela toovi apale eeyiye amalapo wiikhala nkhama mayaahuuti?”

Akaalata 2:3

Ila wala Tiitu, otule kaarina, khooziwe yoori akhiriye, eeyiyeru pure nkereeku.

Akaalata 5:11

Attwiizaku, nkhama miiyo nalelo kintafusiri okhiriya, khi kinlupattheliwani? Eriwaka miiyo kaari otafusiri epo, aphano otafusiri waka monkoni wa nsalapa wa Al-Masiihu khina mmote aari weettelaaye wiiyana tafwawuthi.

Akaalata 6:13

Ila wala na apo aya akhiriyiyeeyo khanshututela kano; yo antakha yoori mweeyo mwikhiriye, asala ajittottopa mwaasa wa ottha alama vamwiili venu.

Afiliipu 1:15

Weekhweele atthu akina aninlaleya Al-Masiihu khwa nrima na ohitakhani, ila akina aninlaleya khwa niiya yooshapweya.

Afiliipu 2:4

Wakhula mmote eenanele, khahiyo zootakha zawe paasi, ila theenya zootakha za akinoko.

Afiliipu 3:18

Maana, nkhama etthiipo kilupiyeezo swaafu za waatta, na apha kinrutela na mishozi, yoori awaapho awaatta aniikhalaaye nkhama maatuwi a nsalapa wa Al-Masiihu.

Akoloosu 2:23

Nyiikho zaya epo, weekhweele, zinlattanana akhili na aputu yoovonyeya, ojipushuwisa woovonyeya, ojawuri khwa mwiili. Ila zooshi epo khina hatha fwayita monkoni wa oshintta meekhazi ootakhala a onaatamu.