Akaalata 6:1 - Hapari Zooshapweya

¹ Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.

Akaalata 6:1 Mawu Ofanana

Matewuzhu 11:29

Mwithuule tthentte yaka na mwikeezele, maana miiyo kiwoonyamala na woojipushuwisa nroho, mweeyo mwintta opattha ovumula wa nafusi zenu.

Matewuzhu 26:69

Pheeturu eettiye wiikhala vaje. Njaazi mmote khumwaattama khumuuza yoori: “Na weeyo waari na Yinsa nkalileya.”

Matewuzhu 26:75

Aphano Pheeturu khufikhiri nttakhuzi ooziweeyo ti Yinsa yoori: “Likukhuwi lihineekhe onteela okikhana swaafu ttatthu.” Noolaavo aphale vaya khulila wakatapuvo.

Matewuzhu 9:13

Mwilawe mwanozeliwe maana a nttakhuzi linlupaaye yoori: ‘Kintakha tthakaraka, khahiyo twaha.’ Maana miiyo akawaateeliye anashariya, kawaateeliye anatwampi.”

Arooma 14:1

Mwinkhupalele otule eeyiyeeyo woottettheya nkatthi wa amini, woohinyakulisanani.

Arooma 15:1

Fweeyo nikhomaaliyeeyo, nina ya ovilela otteettheya wa apale oohikhomaali, nihisala nijituvelisa neenyeweru.

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

1 Akorintiyu 10:12

Etthiipo, otule anjoonaaye wiiya wookhomaala, ajiinanele yoori ahikwe!

1 Akorintiyu 14:37

Nkhama ntthu onjoona yoori napiyu ama ttakatthiifu, ona ya oojuwa yoori epi kiniwaatikhelaanini mweeyo oruma wa Mbwana.

1 Akorintiyu 2:15

Ila otule eeyiyeeyo ttakatthiifu enimweeleya vitthu zooshi, ye khaavo aniphelelezaaye.

1 Akorintiyu 3:1

Attwiizaku, akiwaheeni wuuttakhulelani nkhama atthu a wiiyana Rooho ya Nluku, ila nkhama atthu a voolumwenku, na nkhama asimaana khwa Al-Masiihu.

1 Akorintiyu 4:21

Mwintakhaaye niini mweeyo? Kitaaka wuuthotolani kitane puutta, ama na pheta na rooho ya wiitthaala?

1 Akorintiyu 7:5

Mwihikatthalane mmote na nzaawe, ehiriwaka mwasiilana moowiiri wiiyana wakathi woolompa; nawiisha mwirutele okutthana yoori mwihinlikhe epiliisi wuuzayinini mwaasa wa ohijishintti.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Akorintiyu 2:7

Olikha toowo, aphano mweeyo mwina ya onswaamihi na onzuru, yoori ye ahihuzunikhe channu.

2 Akorintiyu 2:8

Nakataalikha, miiyo kinuuvekelani yoori mwithoonyeze pheta yenu mwiriina khwa ye.

Akaalata 5:23

ojipushuwisa na ojishintta omweenyewe. Khwa vitthu epo khayiivo hatha kano.

Akaalata 6:18

Attwiizaku, rehema ya Mbwana eetthu Yinsa Al-Masiihu ti yiiye nroho mweenu. Amiina.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

2 Atizaloonika 3:15

Khwa zooshi mwihinrette wiiya atuwi, ila mwimchimulele nkhama ttwiiyenu.

2 Timootiyu 2:25

Owaalikhise woojipushuwisavo apale aniwuumananaaye, na nroromelo wa yoori Nluku awenkhe othupwiya owaajuwisaka haakhi.

Meepereewu 12:13

Mwaattale tarikhi yoohiina maphotto yoori moolu apale oorakala ahikwakwanttuwe, ila eeye ovonisiwa.

Meepereewu 13:3

Mwiwaafikhiri apale ariiyeeyo nkalapooso nkhama mweettiye ofukaniwa vamote, na apale anhoowisiwaaye, nkhama mwiri mweeyo ena mwinhoowaaye.

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

Tiyaaku 3:2

Maana fooshi ninkwakwanttuwa khwa nanna zene. Nkhama ntthu khankwakwanttuwa muuttakhula, ntthu aya oto khaamili, na onwahi oshintta mwiili awe wooshi.

1 Pheeturu 3:15

Khapulathi, mwimwinkhe hishima Al-Masiihu nroho mweenu nkhama Mbwana. Wakathi wooshi mwiiye woojitthenkeza yoori mwinjipu wakhula otule anuuvekelaanini weeleziwa monkoni wa nroromelo mwiriinaaye.

1 Yaahaya 5:16

Nkhama ntthu amoona ttwiiye eettaka oretta twampi ehinimweettanaaye muufwa, ona yonvekela Nluku, ye ontta omwinkha ohaayi. Kininlupa otule twampi ehinimweettanaaye muufwa. Ila ewaapho twampi entanaaye ofwa, miiyo akiwuuzeenini yoori mwilompele twampi ya eto.