Akaalata 5:21 - Hapari Zooshapweya

²¹ nrima; ohapaliwa, osokho, na vitthu kiina zoolattanana etthiipo. Kiniwiinanelani nkhama kirettiyeezo swaafu kiina yoori apale anrettaaye vitthu epo khanteela opokherela ofwalume wa Nluku.

Akaalata 5:21 Mawu Ofanana

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

1 Akorintiyu 15:50

Attwiizaku, miiyo kiniwuuzani mweeyo yoori mwiili na taamu khinwahi orithi ofwalume wa Nluku na etile enfwaaye khinrithi etile ehinfwaaye.

1 Akorintiyu 5:11

Ila nasaapi kiniwaatikhelani yoori mwihiiye wookusanyeya na wakhula otule anjilupezaaye wiiya ttwi, ila arettaka khaapa twayifu, namakhwiririwa, namwaaputu sanamu, mmwanomwaano, nanhapaliwa ama nantarawu. Atthu aya apo wala mweeyo mwihijane.

Ayeefezu 5:18

Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

Akoloosu 3:6

Mwaasa wa vitthu etthiipo, enta katapu ya Nluku khwa apale aniikhalaaye nkatthi wookhijili.

1 Atizaloonika 5:7

Maana apale anlalaaye, anlala osikhu, na apale anhapaliwaaye, anhapaliwa osikhu.

2 Atizaloonika 2:5

Khamwinfwahamu yoori wakathi miiyo kaari na mweeyo koozoweziyeni owuuzani vitthu zaya epo?

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

1 Pheeturu 4:3

Maana raku mwaharipu wakathi mwinkeene mwirettaka epile eniwaatuvelaaye makaafiri. Wakathi aya opule mwaari wiikhala nkatthi wa khaapa twayifu, tuvela za onaatamu, ohapaliwa, osokho, majampo ohapaliwiwa na waaputu sanamu.

Othoonyeziwa 21:27

Mpho khinteela weettamo hatha etthu yoohifwayi, wala ntthu anrettaaye etile yoopattisa haaya ama yoohata, ila paasi apale mazina aya aatikhiweeyo nkithaapu ya ohaayi wa Pwittipwitthi.

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.