Akaalata 5:20 - Hapari Zooshapweya

²⁰ sanamu, oshawi, ohisiilani, onyakulisana, wiivu, katapu, ojikhutupula, omwazeyana, ovalulana,

Akaalata 5:20 Mawu Ofanana

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

1 Akorintiyu 11:19

tiito enihithajiya wiiyavo waawanyeya mweeyenaru, yoori ajuwiwe paani wa mweeyo eeyiyeeyo woohakikhiwa.

2 Akorintiyu 11:19

Mweeyo, mwaasa wa wiiya a akhili channu mwiwaavilele alolo khwa nanna yooshapweya.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

Akaalata 5:15

Ila nkhama mwintta olumana na orafunana, mwiiyane phoole mwihitapanyane mmote na nzeenu!

Tiitu 3:10

Khwa otule antisaaye waawanyeya vakatthi venu, onchimulele swaafu moote na ya phiiri; amana ahilikhi omwanswi.

Tiyaaku 3:14

Nkhama nroho mweenu liwaamo nrima la woopisa na ojikhupali, mwihijitayiti yoori mwa ajuwi, wala mwihikatthale haakhi.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

1 Yaahaya 3:15

Wakhula otule aniiphiiriwaaye ti ttwiiye namahusuti, mweeyo mwinjuwacha yoori khina namahusuti mmote ariina ohaayi wa mileele woolipaneya nkatthi mwawe.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”