Akaalata 5:19 - Hapari Zooshapweya

¹⁹ Maana khaazi za onaatamu zajithoonyeza, pi epi: khaapa twayifu, ojafu, ohuuzeyi,

Akaalata 5:19 Mawu Ofanana

Yaahaya 3:6

Maana otule anvokoliwaaye khwa mwiili, mwiili, na otule anvokoliwaaye khwa Rooho, rooho.

Arooma 7:18

Miiyo kinjuwa yoori khina etthu yooshapweya eniikhalaaye nkatthi mwaka, olikha toowo, khwa onaatamu aka. Maana kinaaye niiya ya oretta etthu yooshapweya, ila akinwahi oretta.

Arooma 7:25

Kininshukhurwela Nluku khwa Yinsa Al-Masiihu, Mbwana eetthu! Khwa nanna za akhili zaka, kimwenyewe kinrumeyela kano ya Nluku, ila mwiili aka, onrumeyela twampi.

Arooma 7:5

Maana wakathi opule naari weettettisiwaaye pi vitthu za onaatamu eetthu, khwa tuvela za twampi zithoonyeziweeyo ti kano zaari okhola khaazi nkatthi wa mwiili eetthu, khwa nanna naari wiimaazo mishumo za onilawana muufwa.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Arooma 8:5

Wakhula otule aniikhalaaye khwa vitthu za onaatamu, akhili zawe zinrutela epile pinaatamu antakhaazo; ila otule aniikhalaaye khwa Rooho ya Nluku, akhili zawe zinretta epile Rooho ya Nluku entakhaaye.

Arooma 8:9

Nakataalikha, mweeyo khamwishinttiweeni pi onaatamu, ila khwa Rooho, nkhama khweele rooho ya Nluku eniikhala khwa mweeyo. Na nkhama ntthu khana Rooho ya Al-Masiihu, khahi wa Al-Masiihu.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

1 Akorintiyu 6:18

Mwiwerawere khaapa twayifu. Twampi zooshi ntthu anrettaaye ziniiya oje wa mwiili, ila otule anraruwaaye onkosisa mwiili awe.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Akaalata 5:17

Maana epile entakhaaye onaatamu enuumanana etile entakhaaye Rooho Ttakatthiifu. Na etile entakhaaye Rooho Ttakatthiifu enuumanana etile entakhaaye onaatamu. Epo zintta wuumana moote na nzaaya, tiito mwihirette etile mwintakhaaye.

Akaalata 6:8

Maana otule anzalaaye za onaatamu, khwa za onaatamu onuurula otapanyeya; ila otule anzalaaye khwa Rooho ya Nluku, khwa Rooho onuurula ohaayi wa mileele.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.