Akaalata 5:11 - Hapari Zooshapweya

¹¹ Attwiizaku, nkhama miiyo nalelo kintafusiri okhiriya, khi kinlupattheliwani? Eriwaka miiyo kaari otafusiri epo, aphano otafusiri waka monkoni wa nsalapa wa Al-Masiihu khina mmote aari weettelaaye wiiyana tafwawuthi.

Akaalata 5:11 Mawu Ofanana

Khaazi 16:3

Paawulu khusala atakha yoori alawane, khunkhiriyisa mwaasa wa mayaahuuti aari wiikhalaaye nti otthuupule, maana ooshi aari onjuwa yoori papaawe nkereeku.

Khaazi 21:21

Yo ooziwa yoori weeyo oniwaasomisa mayaahuuti aniikhalaaye vakatthi wa amalapo, owoozaka yoori aphakuwanane kano za Munsa na ahiwaakhiriyise aanaaya wala ahishitahi thwapiya za mayaahuuti.

Khaazi 21:28

Khusala anyakulaza alupaka yoori: “Meezirayiilu, mwinaawuni! Mwinyi otu ti othuutu aniwaasomisaaye atthu a phantte zooshi alupaka vitthu zoohata khwa khapila ya Ezirayiilu, akufurwelaka puuro eti na athanyaka kano za Munsa, theenya oniwaavirisa makereeku Nnyupa Woosifwiwamo.”

1 Akorintiyu 1:18

Maana hapari za nsalapa ololo khwa apale anaashikhaaye, ila khwa fweeyo ninuusurukhaaye, owahi wa Nluku.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

1 Akorintiyu 15:30

Theenya fweeyo, mwaasa wa niini nijitthaaka nkatthi wa ajali wakhula wakathi?

Akaalata 2:3

Ila wala Tiitu, otule kaarina, khooziwe yoori akhiriye, eeyiyeru pure nkereeku.

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

Akaalata 4:29

Wakathi aya otthuupo mwaana otule atiiyeeyo voolumwenku nkhama anvokoliwaazo aana apa akina, khusala anlupattha otule avokoliweeyo khwa Rooho ya Nluku; na etthu ya eto entta orettikhana mpakha nassapi eti.

Akaalata 6:12

Apale antakhaaye othoonyeza vitthu zooshapweya za mmwiili, anuukhanyarelani yoori mwikhiriye, yoori yo ahiiye oolupatthiwa mwaasa wa nsalapa wa Al-Masiihu.

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.