Akaalata 4:9 - Hapari Zooshapweya

⁹ Ila Nluku onuujuwani mweeyo ama mweeyo mwinjuwiwa ti Nluku, mwinri toovi theenya mwirutelaka owahi waari olokozelaaye olumwenku, woottettheya na wohiina owahi? Wekhweele mwintakha orutela theenya wiiya aviitthwaana a otthuupo?

Akaalata 4:9 Mawu Ofanana

Zaapuura 1:6

Nnyizinku onlokozela na oniinanela tarikhi ya anashariya, ila tarikhi ya makaafiri ti ethiito enttelaaye owaaphwetecha.

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Luuka 5:38

Viinyu pheeya entthiiwa nttompwiyo pheeya.

Yaahaya 10:14

“Miiyo ki nshuki wokhaamili; kinjuwa pwittipwitthi zaka na yo zinikijuwa,

Yaahaya 10:27

Pwittipwitthi zaka ensiila huula yaka na miiyo kinjuwa na zinikilotta.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

1 Akorintiyu 13:12

Maana, nasaapi ninoona ratarato yoozizeya, nkhama yiloolo; ila ninteela omoona wuuso khwa wuuso. Nasaapi ojuwa waka khayi khaamili; ila, kinteela onjuwa sawasawa, nkhama etthiipo na miiyo kinjuwiwaazo sawasawa.

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

1 Akorintiyu 8:3

Ila otule animphetaaye Nluku, oto onjuwiwa ti Nluku.

2 Akorintiyu 11:20

Wekhweele, mweeyo mwiniwaavilela mpakha apale anuuhukhumwaanini, ama anuttapwatthaanini, ama otule anjikhutupulaaye, ama anvulalisaaye wuuso enu.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Akaalata 3:3

Mweeyo mwa alolo venkivene! Mwaaza khwa Rooho Ttakatthiifu, aphano mwintakha wiishelana kuvu zenu mweenyewe?

Akaalata 4:3

Etthiipo theenya fweeyo, niri asimaana, naari viitthwaana za owahi waari olokozelaaye olumwenku.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Meepereewu 7:18

Oruma opule wa raku walaziwavo maana waari woottettheya na woohifwayi.

2 Pheeturu 2:20

Nkhama awahi owerawera vitthu zootakhala za olumwenku khwa ojuwa wa Mbwana eetthu na Namuusuru Yinsa Al-Masiihu, ila khulawa khukholiwa na khushinttiwa opheya pi epo zaya, meekhazi aya aniiya ootepa zayita eettaka waazaru.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.