Akaalata 4:4 - Hapari Zooshapweya

⁴ Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Akaalata 4:4 Mawu Ofanana

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Matewuzhu 1:23

“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”

Matewuzhu 3:15

Ila Yinsa khunjipu yoori: “Olikhe etthiipo, yoori erettikhane shariya yooshi.” Yaahaya khukhupalela.

Matewuzhu 5:17

“Mwihuupuwele yoori kateela ofuja kano za Munsa ama masomi a manapiyu, akateeliye ofuja, ila othoonyeza maana aya khaamili.

Maaruku 1:15

alupaka yoori: “Wakathi wafiya, na ofwalume wa Nluku ori kharipu; mwithupwiye na mwikhupali hapari zooshapweya.”

Luuka 1:31

Onteela wiimittha ompatthe mwaana, ontthaje nzina la Yinsa.

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Luuka 2:7

Khumpattha mwaana wa omwanzo awe, khumputaputela va kuwo, khunttattikhela nkashothi zaari ojaamo nyama, mwaasa yoori khaarina puuro yoomaka.

Luuka 20:44

“Nkhama Daawuuda onimwiittha Al-Masiihu yoori Mbwana, enrettikhana toovi wiiya mwanawe?”

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Khaazi 1:7

Yinsa khuwaajipu yoori: “Khinuuhithajiyani ojuwa wakathi ama siikhu Paapa atthomiyeeyo na ofwalume awe.

Arooma 1:3

monkoni wa Mwanawe, othuuto nkhama pinaatamu, atiiyeeyo khwa ojama wa Daawuuda,

Arooma 15:8

Maana miiyo kiniwuuzani mweeyo yoori Al-Masiihu ajiretta okarumeya wa apale eeyiyeeyo anamakhiriya, khwa pheta ya haakhi ya Nluku, yoori athoonyeze ahiti arettiyeeyo amarehemu apapazetthu;

Arooma 5:6

Wekhweele, wakathi fweeyo nalelo naari woottettheya, Al-Masiihu awaafwela makaafiri.

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Arooma 9:5

Yo ojama wa amarehemu apapazetthu, na khwa yo pi olankhiyeevo ntathaari wa onaatamu wa Al-Masiihu, othuuto eeyiye Nluku vatulu wa vitthu zooshi, anlupiwaaye wooshapweyavo khwa mileele! Amiina!

Ayeefezu 1:10

shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Akoloosu 2:14

Nluku afuja thamani ya teeni yeetthu, ethiito yaari oninkhaaye paathuli nkhama etthiipo enrumaazo kano. Ye khulazavo teeni yaya eto, akhomelaka vansalapa,

1 Timootiyu 2:6

otu aleviyeeyo ohaayi awe khuripha hisapu za twampi za atthu ooshi, oshaahiti opu Nluku enkha wakathi khwaamili.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Meepereewu 9:10

Maana vitthu zoojiwa, zoonywa na majampo otwahareshaniwa na maati, epo vitthu za oje ziriina fwayita mpakha wakathi Nluku anzukulisaaye vitthu zooshi.

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

1 Yaahaya 4:2

Mwinteela ojuwa Rooho ya Nluku khwa etthiipo: wakhula rooho entukhurwaaye yoori Yinsa ata nkhama pinaatamu, oto ti wa Nluku,