Akaalata 4:3 - Hapari Zooshapweya

³ Etthiipo theenya fweeyo, niri asimaana, naari viitthwaana za owahi waari olokozelaaye olumwenku.

Akaalata 4:3 Mawu Ofanana

Matewuzhu 11:28

Mwikiteele miiyo mooshi mweeyo mwiiyiye ooshokhera na oolemeliwa, miiyo kintta wuuvumulisani.

Yaahaya 8:31

Yinsa khuwooza mayaahuuti apale ankhupaliyeeyo yoori: “Amana mweeyo mwijilipisana nttakhuzi laka, weekhweele mwinttela wiiya anakhiyoni aka;

Khaazi 15:10

Aphano khi niini mweeyo mwintakhelaaye omotoota Nluku, mwiwaattikhaka anakhiyoni mapwattha hatha fweeyo aya wala amarehemu apaapa zeetthu ahakhitiriyeeyo?

Arooma 7:14

Ninjuwa yoori kano pi za nroho; ila miiyo ki pinaatamu woottettheya na koozanyisiwa nkhama mwiitthwaana wa twampi.

Arooma 8:15

Maana mweeyo khamwipokhereeni Rooho yawuurettani oviitthwaana yoori mwirutele woova theenya, ila mwapokhera Rooho yuurettiyeenini wiiya aana khwa wuukaphulani, ethiito ninkhuwelaaye yoori “Aba, Paapa.”

2 Akorintiyu 11:20

Wekhweele, mweeyo mwiniwaavilela mpakha apale anuuhukhumwaanini, ama anuttapwatthaanini, ama otule anjikhutupulaaye, ama anvulalisaaye wuuso enu.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 3:19

Aphano kano yaateeliyeni? Yaateeliye yoori ethoonyeze ovonya, awejiwaka ota otule ahitiweeyo wa ojama wa Eburahiima. Nnyizinku enkha kano zawe vakatthi wa malayikha yoori amuuze Munsa. Othuuto aari namafiisa wa Nnyizinku khwa atthu.

Akaalata 4:2

Ila oniiya nkatthi wa anamalokozela na anamwiinanela mpakha ofiya wakathi opule otthomiweeyo ti papaawe.

Akaalata 4:24

Eto enrumeyeliwa nkhama nthoonyezo: aakha apa awiri anthonyeza osiilana miwiri. Osiilana mmote pi wa vamwaako Sinaayi na aana aniwaavokolaaye aniiya aviitthwaana; oto aya ti Hajira.

Akaalata 4:25

Hajira onthoonyeza mwaako Sinaayi, wa Arapiiya, na yiiyiye sitati ya nasaapi ya Yeruzaleemu, ethiito erettiweeyo omwitthwaana na aanaaya.

Akaalata 4:31

Nakataalikha, attwiizaku, fweeyo khayi na aana a njaazi, na aana a otule wootaphuliwa.

Akaalata 4:8

Ila wakathi mwaari mwihinanjuwe Nluku, mwaari aviitthwaana a miluku epile khwa ephattu zihiiyeeni miluku.

Akaalata 4:9

Ila Nluku onuujuwani mweeyo ama mweeyo mwinjuwiwa ti Nluku, mwinri toovi theenya mwirutelaka owahi waari olokozelaaye olumwenku, woottettheya na wohiina owahi? Wekhweele mwintakha orutela theenya wiiya aviitthwaana a otthuupo?

Akoloosu 2:20

Etthiipo mwifwiyeeyo khwa Al-Masiihu mwafwa khwa yaazo yoolankha voolumwenku attaapha, mwihiikhale nkhama atthu a voolumwenku, mwisiilezaka nyiikho zaya epi:

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

Meepereewu 5:12

Maana mweeyo mwaarina ya wiiya anamanozela, ila nasaapi eti onuuhithajiyani ntthu wa wuunozelani opheya vitthu za masomi a mwanzo a nttakhuzi la Nluku. Linuutakhani leethi khahiyo etthu yoojiwa yookhomaala.

Meepereewu 7:16

Ye aretteya wiiya haakhimu wa tiini, woohiiyi mwaasa wa ojama wa lihimo la Leevi, ila khwa owahi wa ohaayi woohiina mwiisho.