Akaalata 3:22 - Hapari Zooshapweya

²² Ila Zawaatikhiwa Ttakatthiifu zinlupa yoori olumwenku wooshi pi wooshinttiwa ti twampi, eto ti yoori atthu apale ankhupalelaaye apwekherela tthuvo Nluku ahitiyeeyo khwa apale ariina amini khwa Yinsa Al-Masiihu.

Akaalata 3:22 Mawu Ofanana

Maaruku 16:16

Otule ankhupalelaaye na khoosiwa ontta wuusurukha, ila otule ahinkhupalelaaye oniiyana paathuli.

Yaahaya 12:46

Miiyo kata voolumwenku nkhama nuuru, yoori wakhula otule anikikhupalaaye miiyo, ahijileme n'yiiza.

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Khaazi 16:31

Yo khujipu yoori: “Omwaamini Mbwana Yinsa ontta wuusurukha weeyo na ajamaazo.”

Arooma 10:9

Amana weeyo otukhuru na milomo zawo yoori “Yinsa Mbwana” na khukhupali nroho mwawo yoori Nluku ansisimula vakatthi wa ananfwa, ontta wuusurukha.

Arooma 11:32

Maana Nluku awaattha ooshi phantte ya okhijili, yoori apatthe owaathonyeza tthakaraka yawe khwa ooshi.

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Arooma 3:23

maana atthu ooshi akosa na ari peetiwene khwa ottitthima wa Nluku.

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

Akaalata 3:14

Epo zaretteya yoori parakha etile Nluku amwaahitiyeyo Eburahiima ewaafiyele amalapo khwa Yinsa Al-Masiihu, yoori khwa amini nipokhere Rooho Nluku ahitiyeeyo.

Akaalata 3:17

Etthu kinlupaaye tiiti: Nluku omwanzo aretta osiilana. Kano, zitisiweeyo khwa nyaakha miiya nne na talaathiini, nyumani, khazinwahi ofuja osiilana na khulikha ehina fwayita ahiti ya Nluku.

Akaalata 3:23

Ohinate wakathi wa amini naari nkatthi wa kano na yaari oniretta wiiya woofukeya, mpakha ofiyelela othoonyeziwa amini yaari weettelaaye ota.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

2 Timootiyu 1:1

Miiyo Paawulu, aswihaapa wa Yinsa Al-Masiihu khwa matakhelo a Nluku, khwa ahiti ya ohaayi oriiye wa Al-Masiihu Yinsa,

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.

2 Pheeturu 3:13

Nakataalikha, khwa ahiti yawe Nluku, ninwejela pinku pheeya na nti mpheya, ottuukho eriiwo shariya yawe.

1 Yaahaya 2:25

Eti ahiti ye aniretteliyeeyo, ohaayi wa mileele.