Akaalata 3:19 - Hapari Zooshapweya

¹⁹ Aphano kano yaateeliyeni? Yaateeliye yoori ethoonyeze ovonya, awejiwaka ota otule ahitiweeyo wa ojama wa Eburahiima. Nnyizinku enkha kano zawe vakatthi wa malayikha yoori amuuze Munsa. Othuuto aari namafiisa wa Nnyizinku khwa atthu.

Akaalata 3:19 Mawu Ofanana

Luuka 16:31

“Eburahiima khujipu yoori: ‘Ahisiileziru kano za Munsa na za manapiyu, hatha nkhama ntthu eetta osisimuwa muufwa, yo khanteela onkhupalela.’ ”

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 15:22

Eriwaka akaatiiye kilupa, yo khaari wiiyana paathwili ya twampi. Ila apha khana hatha nanna ya ojaakisa monkoni wa twampi zaya.

Khaazi 7:38

Ti Munsa othuuto aathukumaniyeeyo na atthu a Ezirayiilu amarehemu apapazetthu n'yaara, aari vamote na nlayikha vamwaako Sinaayi. Khupwekherela khwa ye hapari za khweele khunifiisela fweeyo.

Khaazi 7:53

Mweeyo mwipwekhereliyeeyo kano khwa khaazi za malayikha ila khuhishututeli!”

Arooma 2:13

Maana khahi apale ansiilaaye kano eeyiyeeyo anashariya omaasho wa Nluku, ila apale anshututelaaye kano pi anttelaaye wiitthiwa anashariya.

Arooma 4:15

Maana kano entana katapu, na vahali woohiivo kano, khiniiyavo koosa.

Akaalata 3:16

Nkhama etthiipo amwahitiyeeyo Eburahiima na ojama awe. Nttakhuzi la Nluku khalilupeeni yoori “na ajamaaze” nkhama liniwaalupaaye atthu awaatta channu, ila “na ajamaaze”. Eto enthoonyeza yoori laari onlupa ntthu mmote, Al-Masiihu.

Meepereewu 2:2

Maana nkhama mattakhuzi alupiweeyo pi malayikha pi ookhomaaza, na ovonya wooshi na okhijili onaaye hukhumu,

Meepereewu 2:5

Khahiyo malayikha enkhiweeyo olokozela olumwenku onttelaaye ota, monkoni wa otthuupo ninlupaaye.