Akaalata 2:9 - Hapari Zooshapweya

⁹ Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

Akaalata 2:9 Mawu Ofanana

Matewuzhu 16:18

Miiyo kiniwuuza yoori weeyo o Pheeturu, khwa liwe nttintthi kinjekana ojama wa Nluku na milako za ahera khazinlawa oshintta.

Luuka 22:8

Yinsa khunruma Pheeturu na Yaahaya araka: “Mwilawe mwaattalele etthu yoojiwa yeetthu ya Paashikowa.”

Yaahaya 1:42

Antere khunthuula ttwiiye khunlawana wa Yinsa. Yinsa khumweekesa Simawu khuri: “Weeyo o Simawu, mwaana wa Yaahaya, ila waaza nasaapi nzina lawo eriwaka Seefwa.” Seefwa enlupa yoori Pheeturu.

Khaazi 12:17

Ye khulansa nkhono awe khuwenkha alama yoori eeye oonyamala, khusala awaathatelela nanna Mbwana anlaziyeemo nkalapooso na khuwooza yoori: “Mattakhuzi apa mwinjuwise Tiyaaku na attwiizetthu.” Khulankha khusala alawa phantte kiina.

Khaazi 15:13

Paata ya yo wiisha ottakhula, na ye Tiyaaku khusala attakhula araka: “Attwiizaku, mwikisiileze.

Khaazi 15:7

Paata ya winkhelelaniwa, Pheeturu khulankha khuwooza yoori: “Mweeyo attwiizaku, mwinjuwa yoori thanku ya raku Nluku akithawula miiyo vakatthi veetthu yoori amalapo kiwaafiisele hapari zooshapweya nyuupa ya Daawuuda etile yaakwiyeeyo.

Khaazi 4:36

Yuusufu mmote, wa lihimo la Leevi aatthajiweeyo nzina la Baranabe, liriina maana la namalipisela, owawe waari Shiipere,

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 15:15

Monkoni wa vitthu kiina zaya, miiyo kawaatikhelani mweeyo woomaruwavo channu, haaswahaaswa yoori kuukupuseleni opheya vitthu zaya epo mwinjuwaazo. Kawaatikhelani mwaasa wa rehema Nluku akinkhiyeeyo,

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

2 Akorintiyu 11:5

Miiyo akinjoona hatha vattitthiiru ohiina fwayita zayita maaswihaapa apo awulu.

2 Akorintiyu 12:11

Kaari nlolo ottakhula toowo, ila ti mweeyo mwikikhanyareliye epo zaya. Miiyo kaarina ya orumiwa ti mweeyo, maana aki woopushuwa fwayita zayita “maaswihaapa apale awulu,” hatha nkhama aki paani.

2 Akorintiyu 8:4

Anivekelaka wookhanyarelavo ruhusa ya oretta phantte ya owaawuni attakatthiifu.

Akaalata 1:16

Wakathi atakhiyeevo onthonyeza Mwanawe khwa miiyo yoori kilaleye hapari zawe khwa amalapo, akimuuzeleeni hatha ntthu.

Akaalata 1:18

Paata ya ovira nyaakha mittatthu khulankha khulawa Yeruzaleemu onjuwa Pheeturu, keeshiyewo siikhu khumi na thaanu kirina ye.

Akaalata 2:1

Paata ya ovira nyaakha khumi na mine khurutela Yeruzaleemu na Baranabe kinthuuliye Tiitu.

Akaalata 2:2

Kaalawiye, maana Nluku ti aakithoonyeziye yoori kaarina yooretta etthiipo. Vanthukumano wawiitthaala na attunkhulu, khuweeleza yo mattakhuzi a hapari zooshapweya kinlaleyaaye khwa amalapo, maana miiyo akaari otakha yoori khaazi kikholiyeeyo na khaazi kaari okholaaye ehiiye yoohiina fwayita.

Akaalata 6:3

Nkhama ntthu onjoona wiiya wa fwayita, ila ahiiyeeni hatha etthu, ontta ojittettekha mweenyewe.

Ayeefezu 2:20

Mwajekiwa va nchina la maaswihaapa na la manapiyu, na khwiiyana liwe linkhomaazaaye nyuupa, Yinsa Al-Masiihu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

Othoonyeziwa 3:12

Otule anshinttaaye, kininretta wiiya nripu la omwimpari wa Nluku aka, na khanteela olaawo theenya. Kinteela waatikha khwa ye nzina la Nluku aka na nzina la sitati ya Nluku aka, Yeruzaleemu pheeya, eniishukhaaye pinkuuni khwa phantte ya Nluku; na theenya kinteela omwaatikhela nzina laka lipheya.