Akaalata 2:20 - Hapari Zooshapweya

²⁰ Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 2:20 Mawu Ofanana

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Matewuzhu 4:3

Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Yaahaya 10:11

“Miiyo ki nshuki wokhaamili. Nshuki wokhaamili onleva ohaayi awe mwaasa wa pwittipwitthi zawe.

Yaahaya 15:13

Khina ariina pheta yooziti, woohiiyi otule aninkhaaye ohaayi awe khwa maswaahipu ze.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:35

Paapa onimpheta Mwanawe na zooshi attha mmakhono mwawe.

Yaahaya 6:57

Nkhama Paapa akiperekhiyeeyo eeyiyeeyo haayi, na miiyo kiniikhala mwaasa wa ye. Khwa etthiipo otule anrafunaaye mwiili aka oniiyana ohaayi mwaasa wa miiyo.

Yaahaya 6:69

Fweeyo ninkhupalela na ninjuwa yoori o Ttakatthiifu wa Nluku.”

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Arooma 1:17

Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”

Arooma 14:7

Maana khina mmote wa fweeyo aniikhalaaye khwa mweenyewe paasi, na khina mmote wa fweeyo anfwaaye khwa mweenyeweru paasi.

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Arooma 5:6

Wekhweele, wakathi fweeyo nalelo naari woottettheya, Al-Masiihu awaafwela makaafiri.

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 6:8

Nkhama nafwa na Al-Masiihu, ninkhupalela yoori theenya ninteela wiiya haayi vamote na ye.

Arooma 8:10

Ila, nkhama Al-Masiihu ori vamote na-mweeyo, mwiili wafwa mwaasa wa twampi, Rooho eri haayi mwaasa wa shariya.

Arooma 8:37

Ila khwa vitthu zaya epo zooshi naziti wiiya anamashintta, khwa vakatthi wa otule aniphetiyeeyo.

1 Akorintiyu 6:17

Ila otule anjikusanyanaaye Mbwana oniiyana rooho moote na Mbwana.

2 Akorintiyu 1:24

Khahiyo yoori neetta ojuwacha monkoni wa amini yenu, ila mwaasa wa wiiya ashirikha a furaha yenu, maana khwa amini mweeyo mwakhomaala.

2 Akorintiyu 10:3

Maana hatha nkhama niniikhala nkhama anaatamu, khaninuumana khwa nanna ya onaatamu.

2 Akorintiyu 11:10

Ti ya olikana nkhama khweele ya Al-Masiihu eri khwa miiyo; tiito, khina mmote wa nti wa Akaaya anttelaaye okikhattaza ojishashawula waya opo.

2 Akorintiyu 13:3

Enooneya yoori mweeyo mwintta oveka wootootiwa yoori Al-Masiihu attakhule khwa miiyo. Ye khahiyo woottettheya khwa wuutthanttani mweeyo, ila ti wa owahi vakatthi venu mweeyo.

2 Akorintiyu 13:5

Mwijinzaane yoori mwijoone nkhama mwiri nkatthi wa amini. Mwijoone mwamwenyewe! Ena ya oweeleyani yoori Yinsa ori khwa mweeyo! Ehiriwaka mweetta okatthaliwa!

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

2 Akorintiyu 5:7

Maana niniikhala khwa amini, woohiiyi khwa etile ninoonaaye.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Akaalata 2:16

Ila ninjuwa yoori pinaatamu khanihakikhiwa mwaasa wa oretta etile kano enrumaaye, ila khwa amini ya Yinsa Al-Masiihu, na fweeyo theenya namayaahuuti nankhupali Yinsa Al-Masiihu yoori nipatthe ohakikhiwa ti amini khwa Al-Masiihu. Khahiyo mwaasa wa mwentto wa kano, maana khina ntthu anttelaaye ohakikhiwa ti kano.

Akaalata 3:11

Enthoonyeza yoori khina ntthu mmote anttelaaye ohakikhiwa mwaasa wa kano mmakhono wa Nluku, maana nttakhuzi la Nluku lalupa yoori: “Nashariya oniikhala khwa amini.”

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Akaalata 6:14

Ila miiyo kinteela ojitayitela nsalapa wa Mbwana eetthu Yinsa Al-Masiihu paasi, maana, khwa nsalapa, olumwenku wakifwela miiyo na miiyo kafwela olumwenku.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Ayeefezu 5:25

Alume, wakhula nlume ona ya ompheta muukhaawe nkhama etthiipo Al-Masiihu aphetiyeezo ojama wa Nluku, khuleva ohaayi awe mwaasa wa ojama wa Nluku otthuupo,

Afiliipu 1:21

Maana khwa miiyo ohaayi aka ti Al-Masiihu na ofwa fwayita yaka.

Afiliipu 4:13

Kinwahi oretta zooshi khwa otule anikikhomaazaaye.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

1 Atizaloonika 5:10

Ye afwa khwa fweeyo, hatha nkhama neetta wiiya haayi ama neetta ofwa, niikhale woojikusanya khwa ye.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 8:3

Wakhula haakhimu nwulu wa tiini athawuliwa yoori asala enkha zaakha na twaha mmakhono wa Nluku, tiito naye haakhimu nwulu wa tiini otu aari ohithajiya wiiyana etthu ya winkha.

1 Pheeturu 1:8

Hatha nkhama mweetta ohimooni, mweeyo mwinimpheta, na hatha nkhama mwintta ohimooni nasaapi eti, mwankhupali mwintthapa na furaha ehinlupeyaaye ya ottitthima,

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 3:20

Mwisiileze! Miiyo kiri va nlako na kintta opiya. Amana ntthu asiila huula yaka na khufukula nlako, kintta ovira kije vamote na ye, na ye na miiyo.