Akaalata 2:19 - Hapari Zooshapweya

¹⁹ Maana miiyo akiniikhala khwa kano, ila kafwa vakatthi wa kano, yoori kiiyane meekhazi khwa Nluku.

Akaalata 2:19 Mawu Ofanana

Arooma 4:15

Maana kano entana katapu, na vahali woohiivo kano, khiniiyavo koosa.

Arooma 5:20

Kano zaateeliye weekezela ovonya. Ila, vahali eniitaalaavo twampi, rehema ya Nluku eniittikhela attaapho.

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

Arooma 6:14

Maana twampi khinteela wuushinttani theenya mweeyo, mwaasa mweeyo khamwiri vathi wa kano, ila vathi wa rehema.

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Arooma 7:14

Ninjuwa yoori kano pi za nroho; ila miiyo ki pinaatamu woottettheya na koozanyisiwa nkhama mwiitthwaana wa twampi.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

1 Akorintiyu 10:31

Etthiipo, hatha nkhama mweetta oja, mweetta onywa, ama oretta wakhula etthu, mwirette zooshi khwa siifwa ya Nluku.

1 Akorintiyu 9:20

Kajiretta oyaahuuti khwa mayaahuuti yoori kiwaapatthe mayaahuuti. Khwa apale aniikhalaaye vathi wa kano, kajiretta nkhama kiri vathi wa kano, keetta ohiiyiru pure vathi wa kano, yoori kiwaapatthe apale ari vathi wa kano.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

Akaalata 3:24

Khwa etthiipo kano ti yaari oneettettisaaye mpakha Al-Masiihu ota, yoori nihakikhiwe ti Nluku khwa amini.

Akaalata 6:14

Ila miiyo kinteela ojitayitela nsalapa wa Mbwana eetthu Yinsa Al-Masiihu paasi, maana, khwa nsalapa, olumwenku wakifwela miiyo na miiyo kafwela olumwenku.

Akoloosu 2:20

Etthiipo mwifwiyeeyo khwa Al-Masiihu mwafwa khwa yaazo yoolankha voolumwenku attaapha, mwihiikhale nkhama atthu a voolumwenku, mwisiilezaka nyiikho zaya epi:

Akoloosu 3:3

Maana mweeyo mwafwa, na nasaapi ohaayi enu wavithiwa ti Al-Masiihu khwa Nluku.

1 Atizaloonika 5:10

Ye afwa khwa fweeyo, hatha nkhama neetta wiiya haayi ama neetta ofwa, niikhale woojikusanya khwa ye.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 4:6

Khwa etthiipo hapari zooshapweya atafusireliwa theenya ananfwa yoori yo hatha nkhama eetta ophukiwa khwa mwiili wa onaatamu, eekhale khwa Rooho, nkhama Nluku antakhaazo.