Akaalata 1:7 - Hapari Zooshapweya

⁷ Khaziivo hapari zooshapweya kiina. Ila awaapho atthu ootakha wuutapanyani na otapwatela hapari zooshapweya za Al-Masiihu.

Akaalata 1:7 Mawu Ofanana

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Khaazi 13:10

khumuuza yoori: “Mwaana wa sheethwani wamwiitaala ottettekha na zootakhala zooshi, atuwi wa shariya! Khunlikha otapwatela tarikhi za wookowa za Mbwana?

Khaazi 15:24

Nasiila yoori, vakatthi veetthu alankhavo atthu ata ottuukho oteela wuutapanyani na mattakhuzi oovonyeya arutiselaka nyuma nafusi zenu woohirumiwi ti fweeyo.

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

2 Akorintiyu 11:13

Maana atthu aya apo maaswihaapa oojipanka, akarumeya oottettekha, ajinkha wiiya maaswihaapa a Al-Masiihu.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Akaalata 4:17

Anamanozela oovonya anjifaza yoori ootuveliseni mweeyo, ila shawuri zaya khahiyo zooshapweya, yo antakha owaattuwanisani miiyo yoori mweeyo mwiwaathoonyeze niiya ethiito yo ariina.

Akaalata 5:10

Miiyo kinuuroromelani mweeyo khwa Mbwana yoori khamwinlawa olottela shawuri kiina. Ila otule anuutapwatelaanini, hatha nkhama paani, onttela opattha hukhumu.

Akaalata 5:12

Miiyo kaari otakha yoori ooshi apale anuutapwatelaanini khwa okhiriya afwataali ajuule-mmwikontta!

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.

2 Timootiyu 2:18

Apo answi haakhi, alupaka yoori osisimuwa wa ananfwa warettikhana, atapanyaka amini za atthu akina.

1 Yaahaya 2:26

Kiniwaatikhelani vitthu epi monkoni wa apale antakhaaye wuuthowelelisani.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

2 Yaahaya 1:10

Amana ntthu oteelani khuhitani masomi aya apo, mwihimpokherele owenu wala mwihinchelise.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 13:14

Mwaasa wa alama enkhiweeyo ruhusa ya oretta khwa nzina la nyama yawoopisa etile ya mwanzo, ye awaahata apale aniikhalaaye va tuniya. Khuwaaruma yoori aattale ratarato khwa hishima ya nyama yawoopisa etile yaavulalisiweeyo na phanka na khwiiya haayi.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Othoonyeziwa 2:20

Ila, kinaaye etthu khwa mweeyo: mweeyo mwininlikhelela Jezapeele, muukha otule anjilupezaaye onapiyu, na masomi awe, ye oniwaattettekha akarumeya aka, yoori asala aretta khaapa twayifu na oja vitthu za otwaheliwa sanamu.

Othoonyeziwa 2:6

Ila ewaapho etthu khwa zwaamu yenu: mweeyo mwiniiphiriwa ti zooretta zaanikolayiita, nkhama enikiiphiraazo miiyo.

Othoonyeziwa 20:3

khumweeselela nkhilintti, khunfukela nlako na khumparisa ephariselo, yoori ankhattaze ottettekha khapila, mpakha ziishe nyaakha epo alufu. Nawiisha, onlawa afukuliwe khwa wakathi vattitthiiru.